1 Kɔrint 8:4 - Kaa n Kəzə̀ n fəghə mə

⁴ N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

1 Kɔrint 8:4 Mawu Ofanana

Malakus 12:29

Yeso n beeli ndow ghə nə̀, “Laŋ kə sə isə kə loʼ nə, ‘Ghaa zow a waa ghə Izree ghə! Yawe loʼ Zə̀ kə ghey, a may kə wi tə loʼnə Zə̀ kə.

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 15:20

Saa fəd tɔ̀ɔ dza ndow tə ghə nə̀ kə ghə nə zə̂ənə fə kə nə̀ ghə n fuu tə a loʼ umaʼlə tə muʼu mə, kə ghə nə ghəŋŋənə ghəə a laŋŋə ghə, kə ghə nə fəənə nyam nə ghə ka səghə, kə ghə nə zəə soʼonə kaŋ tə.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

1 Kɔrint 8:10

N sey dza n təŋkey abə wù wən fə̀ŋ ə wi ka kam tɔʼ beyyə n ghəə a Kəzə̀, koʼ bənə wɔ wən wə dzanə nə̀, “Wə ngii khə aghəə”, zəənə n ndaw zey ghə fəələnə maʼlə wə tii tə̀ muʼu mə, ghaa moʼlə nə̀ tə i keeli way fə̀ŋ ni zə̂ fəzəə wey u loʼ nə̀ ghə n fuu tə a loʼ umaʼlə tə̀ muʼu mə ə?

1 Kɔrint 8:11

À sey loʼ nə̀ wɔ wən wə moʼlə nə̀ wə ngii khə aghəə, n ghəŋə nə̀ dzûmə Klisto wən tə loʼ nə̀ fə̀ŋ ə wi ka kam tɔʼ beyyə n ghəə a Kəzə̀, tə nyəŋ laʼ n bəghəm i fə̀ŋ i wi, loʼ sey nə̀ Yeso kpu soʼo n tow kə wi.

Galeshia 4:8

Nghee ghaa â buʼ loʼ tsə nə̀ ghaa kam khə way Zə̀ kə, ghaa n loʼ ukɔd tə fə u loʼ wey ghaa â tɔŋɔ nə̀ a loʼ uzə̀.

Efesus 4:6

Saa khə soʼo Kəzə̀ kəmɔʼ, tə loʼnə Bày tə̀ ghəə a mbi ghə adzəm. Tə saʼa aghə̂ adzəm, loʼ nə aghəə adzəm, muu n fəŋŋə kə ghə̂ adzəm.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.