1 Kɔrint 8:1 - Kaa n Kəzə̀ n fəghə mə

¹ Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

1 Kɔrint 8:1 Mawu Ofanana

Kəfwaʼ 15:10

À kee loʼ kee ghaa ləghə ni mɔm koʼ Kəzə̀ ə? Ghaa gaʼa ndow laŋ u dədlə wə n tow kə dzûmə tə Klisto nə ghə boʼo, loʼ sey nə̀ ghə bày bày a saa ghə a way ni boʼo, wû i saa, saa mâ dəm kii ni boʼo.

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 21:25

A kee bə tə ghə̂ ghən ghə bəghəmnə tə Klisto nə a way ghə̂ a Təjuu, a n tɔ̀ɔ ndow màʼlə kə tə ghə, tsu tsəd tsu tii nə̀, kə ghə nə zə̂ə fə wey ghə sâa ndownə tə a loʼ umaʼlə tə muʼu mə, kə ghə nə zəənə kaŋ tə, kə ghə nə fəənə nyam nə ghə ka səghə, kə ghə nə ghəŋŋə soʼo ghəə a laŋŋə ghə.”

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 12:16

I muu n na nə kəfə kəmɔʼ ghi ghə̂ ghə adzəm. Kə ghaa nə kɔʼlənə wû zə, ghaa fəd tsuulə tsu wû i ghaa sey nə̀, ghaa i loʼ dzəŋi ghi ghə̂ ghə adzəm. Kə wù nə moʼlənə nə̀ tə khə aghəə adzəm.

Roma 14:10

Ghaa ghən ghaa say zə̂ənə fə wə, à loʼ kee ghaa saʼanə dzûmə tə Klisto tə loʼ tən ə? A kee bə ghaa ghən ghaa zə̂ənə fə wə udzəm, a loʼ kee ghaa koʼo kiinə dzûmə tə Klisto tə loʼ tən ə? I loʼ nə̀ saa adzəm, saa i doʼlə n tay i saʼ, Zə̀ kə i saʼ saa.

Roma 14:14

Nghee n loʼnə nə kəfə kəmɔʼ ghi Mûkəbii Yeso, n ndzəm khənu nə̀ fəzəə u loʼ u way, u loʼ ni ghəŋə nə̀ wù i bəbə n sə K-a-zə̀. Abə wù loʼ kee moʼlənə nə̀ fəzəə u loʼ u loʼnu u ghəŋŋənə nə̀ wù i bəbə n sə K-a-zə̀, kə tə nə zə̂ənə fəzəə u tii wə n təŋkey abə tə zə̂nə fəzəə u tii wə, tə n sey ghəŋə bəəbə n fə̀ŋ ə wi.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 14:22

Ghəə zey wə bəghəmnə tii kuum ghəə ghən, i doʼotsu kə ghi wɔ nsə Zə̀ kə. Buulə i loʼ tə wù wey fə̀ŋ ə wi fəmmə way wi abə tə ghəŋŋə ndownə ghəə zey tə khə nə̀ i kpiinu.

Roma 14:3

Sey, wù wey tə zə̂ənə fə wə udzəm khə way ni koʼo kii wù wey tə zə̂ə way fə u tii wə udzəm tə a loʼ wi. Wù wey tə kee say fəə kənə tow u fə wə, khə soʼo way ni saʼ wù wey tə zə̂ənə fə wə udzəm n təŋkey, Zə̀ kə n ghə bəghəm.

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

1 Kɔrint 1:5

Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

1 Kɔrint 10:15

N ghɔɔmə bə tə̀ ghaa n təŋkey n khənu nə̀ ghaa loʼ ghə̂ a tɔbə ghə. Wû i ghaa, ghaa laalə nyi tsu ghəə ghən n dza bənə ni koʼ nə̀ i kpiinu.

1 Kɔrint 10:28

Abə wù loʼ kee dza bənə tə̀ wɔ nə̀, “Fəzəə wən loʼ nə̀ ghə mâ fuu tə̀ a loʼ umaʼlə tə̀ muʼu mə.” Kə̂ wə nə̂ zə̂ənə, bòʼ wù wey tə dza bənə ghəə ghən tə̀ wɔ, nsə nə̀ kə wù loʼ nə keelinə fəmmə kə n fə̀ŋ.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 4:6

Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

1 Kɔrint 8:2

Wù wey tə moʼlənə nə̀ tə khənu ghəə ghə, tə kam khə dzə way ghəə ghə nghee tə mə khənə ni keeli.

1 Kɔrint 8:4

N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

1 Kɔrint 8:7

À kee loʼ nə̀ à way dzə aghə̂ adzəm ghə khənə isəŋə zən. Ghə̂ a loʼ ghə n khəələ doʼo n ghəə ghə mmuʼu n jìi zey abə ghə zəənə fəzəə wey ghə fuunə tə a loʼ umaʼlə tə̀ muʼu mə, fə̀ŋ tə n fəmmə ghə, ghə sə loʼ nə̀ fə̀ŋ tə ghə tə ka kam tɔʼ beyyə n ghəə a Kəzə̀, ghə n moʼlə kə nə̀ ghə sey dzəələ dzə wû i ghə n sə K-a-zə̀.

Efesus 4:16

À loʼ Klisto tə təm naŋa dzəŋinə saa nə kəfə kəmɔʼ tə̀ a loʼ wû u wi, a loʼ wi tə zuŋŋə naŋa bənə saa. Sey, abə badla tə uwû tə saa tədzəm tə fwaʼa dzɔbənə n dəŋə kə ghə, gaamə tiilə iwû, wû udzəm wə n nyîmmə dzɔbə nə iləghə.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.

Chi dii 2:20

À kee loʼ nə̀ ghə i loʼ i loʼnu ghaa ghəŋŋənə nə̀ n ləghə way. Ghə i tii i loʼ nə̀, ghaa ka buu naŋa weyzən wən ghə tɔŋŋə nə̀ à loʼ Jezebel, weyzən wən tə tɔŋŋə wû u wi wə nə tə loʼ wù tûm Kəzə̀, nə̀ ghəə ghey tə diinə sìi ndzəŋŋə ghə̂ a kəfwaʼ ghuŋ nə̀ ghə i ghəŋŋə ghəə a laŋŋə ghə, ghəŋŋə soʼo nə̀ ghə i zəə fəzəə wən u loʼ nə̀ ghə n fəələ tə a loʼ umaʼlə tə̀ muʼu mə.