1 Kɔrint 7:5 - Kaa n Kəzə̀ n fəghə mə

⁵ Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.

1 Kɔrint 7:5 Mawu Ofanana

Matyo 17:21

[À bɔɔmə may kə nə igɔŋŋə nsə dzuu i bam zə wù loʼnə ni dzùm shi ndzoʼo zay kə bwu kən.]

Matyo 19:11

Yeso n fəd dza ndòw tə̀ ghə nə̀, “A way dzə aghə̂ adzəm ghə loʼnə ni zowkeeli ghəə zən, a may kə ghə̂ ghey ghə loʼ nə̀ Zə̀ kə n fuu ghə n tɔb u tii wə.

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

1 Kɔrint 7:4

I loʼ sey, n təŋkey, weyzən khə dzə way daʼa kə n wû u wi, à kee loʼ num tə khə daʼa kə tii kə. À loʼ soʼo ighələ ghi weynum tə khə way daʼa kə n kow wû u wi, à loʼ wey tə kee khənə daʼa kə tii kə.

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.