1 Kɔrint 7:34 - Kaa n Kəzə̀ n fəghə mə

³⁴ I loʼ sey n təŋkey fə̀ŋ ə wi dzawwə doʼonu. A kee bə weyzən wən tə khə way num nkee weyzən wən tə ka kam nyəŋi ghi weynum, tə ndəŋə fuu nyiə ndow wû u wi n fwaʼ kə Mûkəbii sey nə̀, tə loʼ ni fuu nyi may ndow wû u wi nsə fə̀ŋ ə wi idzəm n fwaʼ kə Mûkəbii. Weyzən wey tə khənə num, ndəŋə fuu nyiə ndow wû u wi n ghəə a mbi n təŋkey tə ləghə ni ghəŋə ghəə ghey num wi ləghənə.

1 Kɔrint 7:34 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 10:13

Wù kəfwaʼ wən tyə naŋŋə səə tsu tənjì, n təŋkey, tə maŋa fwaʼa nə̀ ghə i tsəə wi, tə khə way nəŋə zə n kow njì tə tii tə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

1 Kɔrint 7:33

Wù wey tə khənə wey, kee ndəŋə fuu nyiə ndow wû u wi n ghəə a mbi, n təŋkey tə ləghə ni ghəŋə ghəə ghey wey wi ləghənə.

1 Kɔrint 7:35

N ghəə ghən dza n ndzuŋ ə ghaa, a way dzə nə̀ n kədlə ghaa. N fədlə ləghə nə̀ ghaa i muu n jìi zey i loʼnə tsətsəghə, muu soʼo n jìi zey ghaa loʼ ni fuu may ndow muu i ghaa n fwaʼ kə Mûkəbii.

2 Kɔrint 11:28

Ni kuu kpiʼi ndow n ghəə ghən adzəm, fə̀ŋ nam fəmmə mə tsuʼu n dzəm bòʼ dzəŋi u dzûmə tə Klisto wən udzəm.

2 Kɔrint 8:16

N fuu kəzɔŋŋə tə̀ Zə̀ kə tə ghəŋənə nə̀ Taytus keeli soʼo ndzoʼo fə̀ŋ i dzuŋu zən n khənə ni bə gaamə ghaa.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

1 Timoti 3:5

I loʼ sey n təŋkey abə wù way ni kwu keeli ndaw wi, tə i loʼ ngee ni kwu keeli ghə̂ a Kəzə̀ ə?

1 Timoti 5:5

Zən ə kpusə wən tə ndzəm khə way fə kə, khə soʼo way wù tə laalənə tə wi, khə ni fuu may ndow fə̀ŋ ə wi tə Zə̀ kə. Tə i gɔŋŋə tə Zə̀ kə nəŋə tədzəm nə̀ Zə̀ kə gaamə wi.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.