1 Kɔrint 6:9 - Kaa n Kəzə̀ n fəghə mə

⁹ Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

1 Kɔrint 6:9 Mawu Ofanana

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 24:25

Ambə Pɔl tɔʼ tiilə dza ndow tə ghə nghee ghə̂ a khə ni loʼ tsətsəghə tii, zuŋu uwû, nsə nghee Zə̀ kə nə saʼanə ghə̂ ghə tii. Tsəŋ zə n kwu Feliks, tə n dza nə̀, “Khəə ndow nya, abə mə i ndzɔʼ keeli tsu nəŋə zə, Mə i kəm tɔŋɔ bə wɔ.”

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

1 Kɔrint 15:33

Sey, kə ghaa i nyəŋ laʼ n baa ghə̂ ghən ghə dzanə ndzoʼo ghəə ghən, n təŋkey, “Fə a bəbə a bəəbə maʼa wù wey tə khənə mwam u dzuŋu wə.”

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 5:1

Nya, ghə̂ a ndzəmə dza kaabənu nə̀ ghaa ghəŋŋə ghəə a laŋŋə ghə n fəŋŋə kə ghaa. Ghə dzanu nə̀ ghaa ghəŋŋə ndzoʼo ghəə a laŋŋə ghey abə a buʼ loʼ kə ghə̂ ghey ghə ka bəghəm tə Zə̀ kə, ghə way ni ghəŋə dzə. Ghə dzanu nə̀ wù loʼ loʼnu n fəŋŋə kə ghaa tə nyəŋinə ghi wey bày wi.

1 Kɔrint 5:10

Mə â ka dza dzə ghə̂ ghey adzəm ghə ghəŋŋənə ghəə a laŋŋə ghən fa mbi, nkee ghə̂ ghən ghə shiənə n sə̂ ghə n fə u mbi, nkee ghə̂ a tsɔŋɔ ghə, nkee ghə̂ ghən ghə ngɔɔmənə muʼu mə. Abə a loʼ nə̀ mə â dza sey, i mə dii nə̀ ghaa sey khə ni zəghə maʼa mbi zən.

1 Kɔrint 5:11

Mə â dza tə̀ ghaa nə̀ kə̂ ghaa nə̂ təmə dzəŋinə ghi wù wən tə tɔŋŋənə wû u wi wə nə̀ i loʼ dzûmə Klisto, loʼ sey nə̀ tə laŋŋənu, shiə n sə̂ ghə n fə u mbi, ngɔɔmə mmuʼu, khəə təfəghəm, mə̂ə khə̀ə nlə, nkee tsɔŋɔ. Kə̂ ghaa nə̂ buʼu zə̂ə dzəŋinə ghi ndzoʼo wù tii.

1 Kɔrint 6:10

ghə̂ a tsɔŋɔ ghə, ghə̂ ghey ghə shiənə n sə ghə n fə u mbi, ghə̂ a khəə ghə nlə ghə, ghə̂ ghey ghə khəə kaabənə fəghəm tə, nsə ghə̂ a tsɔŋɔ ghə. Ghə̂ ghən adzəm nə̂ way ni zə̂ koʼ Fɔɔ u Kəzə̀.

1 Kɔrint 6:18

Zəghə maʼa na ghəə a laŋŋə ghə. Bəb i loʼ i way dzə wù ghəŋŋənə i mɔmnə gow uwû, wù wey tə ghəŋŋə ghəə a laŋŋə ghə kee ghəŋŋə ibəb n wû u wi.

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

1 Kɔrint 9:24

Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

Galeshia 6:7

Kə ghaa nə nəbənə wû i ghaa zə, wù way ni tsìi Kəzə̀. Fə key wə zəghənə, wə i keeli soʼo kə ghii.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

Jems 1:16

Waazə ghuŋ a dzuŋu ghə, kə wù loʼ nə nəbənə ghaa.

1 Jɔn 3:7

Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.