1 Kɔrint 6:3 - Kaa n Kəzə̀ n fəghə mə

³ Ghaa khə way nə̀ a loʼ saa, saa nə̂ saʼa tsətəndəghə tə Kəzə̀ tə ə? Abə saa loʼ ni saʼ tsətəndəghə tə Kəzə̀, nyaŋi mə nghəələ mən fa n muu i mbi loʼ kə kee tə̀ saa ni saʼ a?

1 Kɔrint 6:3 Mawu Ofanana

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Lukas 8:14

Ndzoʼ tey tə â tsɔʼlə bənə nə ukaakaa, à lòʼ ghə̂ ghey ghə zownə ghɔɔmə i Kəzə̀ zə, ambə ghə nuu ndownə, chɔd u mbi, ikum, nsə laabə i mbi zə n zɔʼi naŋa tsu ghəə a Kəzə̀, ghə n way ni nyim taw n bəghəm fə̀ŋ i ghə.

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

1 Kɔrint 6:15

Ghaa khə way nə̀ wû i ghaa i loʼ zuŋ u wû u Klisto ə? N loʼnu ni ney kɔʼ zuŋ kə uwû kə Klisto, n təmdzəŋi ndow ghi wû u wù wey tə loʼnə kpala kə ə? I way ni doʼo koʼ sey!

1 Kɔrint 6:16

Ghaa khə way nə̀ wù wey tə təm dzəŋinə wû wə ghi kpala kə, sey doʼo dzə gow uwû imɔʼ ghi wi ə? I tɔ̀ɔ doʼo n màʼlə K-a-zə̀ nə̀, “Tow ghə ubəghə ghə i doʼlə bə uwû umɔʼ.”

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

1 Kɔrint 6:4

Sey abə ghaa khənə ghəə zə ni saʼ, ghaa fəd loʼ ngee ni ney ndòw n səə ghə̂ ghey dzûmə tə Klisto tə fuu way ghə n kɔʼlə mə ə?

2 Timoti 2:4

Sawgoʼ i loʼ i way dzə nə̀ i nam fwaʼanu, i fuu may ndownə wû u wi wə n muu i ghə̂ ghən ghə way sawgoʼ tə. I wi i loʼ kə ni ghəŋə ghəə zey i kpiilənə tə wù nii wi.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

2 Pita 2:4

Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.