1 Kɔrint 6:2 - Kaa n Kəzə̀ n fəghə mə

² Ghaa khə way nə̀ nəŋə zə i bəghənu, a i loʼ ghə̂ a Kəzə̀ ghə i saʼanə mbi zən ə? Abə à loʼnə ghaa, ghaa i saʼanə mbi, ghaa ka kɔʼ kpii ni saʼa nyaŋi mə nghəələ mən n fəŋŋə kə ghaa ə?

1 Kɔrint 6:2 Mawu Ofanana

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Lukas 22:30

Sey nə̀ ghaa i loʼ ghi mə̀ n baŋŋə kuŋ, n fɔɔ wùŋ, ghaa i zəə, ghaa i məə, ghaa doʼo ndow n kuu u təfɔɔ ni saʼ naʼa tə Izree tən ighəm n ghii tə təbəghə.”

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 6:4

Sey abə ghaa khənə ghəə zə ni saʼ, ghaa fəd loʼ ngee ni ney ndòw n səə ghə̂ ghey dzûmə tə Klisto tə fuu way ghə n kɔʼlə mə ə?

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.