1 Kɔrint 6:12 - Kaa n Kəzə̀ n fəghə mə

¹² Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀, à way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ n ka ghəŋə ghəə zey n ləghənə ni ghəŋə.” À kee loʼ nə̀ mə i bəghəm naŋa way nə̀ fə̂ kə loʼ kə ghəŋə mə nə̀ n doʼo kəkɔd tə̀ ghii kə.

1 Kɔrint 6:12 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 5:10

Sey, ngəd tə Təjuu tə nii tə n dza tə̀ wù wey Yeso â baŋŋənə nə̀, “À na loʼ tsuʼ inaʼ u saa, laŋ kə ka bəghəm dzə nə̀ wə i boʼlə bwey ghi gham fə.”

Roma 7:14

Saa khənu nə̀ laŋ kə nuu bə n wɔ Zə̀ kə, mə n kee maŋ loʼ wù tə ghəŋənə ghəə ghey gow uwû ləghənə. N maŋ loʼ nə ghə n fìi fuu mə tə̀ a loʼ kəkɔd tə bəb zə.

1 Kɔrint 8:4

N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:27

N ghəŋə naŋa wû wuŋ nə̀ kə u nə zownə fɔɔbə zə abə ghə tsɔɔbənə mə, ghəŋə soʼo nə̀ wə i zow bə tə mə. N sey ghəŋŋə nə̀ i kə n nə naʼlənə tûm i dzuŋu zə tə ghə̂ ghə, wû wuŋ n ka keeli naamə key n khə ni keeli.

2 Tesalonika 3:9

 loʼ buʼ kə ghaa ni laalə tə̀ ghey kənunu. À kee loʼ nə̀ ghey â ləghə ni moʼ dii bə ghaa n jìi zey ghaa khənə ni muu ti.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.