1 Kɔrint 5:6 - Kaa n Kəzə̀ n fəghə mə

⁶ I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

1 Kɔrint 5:6 Mawu Ofanana

Matyo 13:33

Yeso n nam dza kpiʼi ndow ghə n ghɔɔmə i fənkəfən zən nə̀, “Fɔɔ wə idəŋ u loʼ nyaŋi fə mbvuŋ, weyzən u loʼ wə â ney kɔʼnə, nyuʼ dzəŋi kɔʼ ghi kaŋ wə nfuŋ wə utəghə, zə n nyə̀ŋ dzəŋi ndow tii, fuŋ n tii mə ndzəm mə n kɔʼ i kɔʼ.”

Lukas 13:21

U loʼ tə a loʼ mbvuŋ weyzən u loʼ wə â ney kɔʼ nə̀, kuu ndow n tɔ̀ɔ nfuŋ mən ghə ghəŋŋə baa kə nkala kə a tii, fuŋ n tii mə n kɔʼ kɔʼ naʼ idzəm.”

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

1 Kɔrint 15:33

Sey, kə ghaa i nyəŋ laʼ n baa ghə̂ ghən ghə dzanə ndzoʼo ghəə ghən, n təŋkey, “Fə a bəbə a bəəbə maʼa wù wey tə khənə mwam u dzuŋu wə.”

1 Kɔrint 3:21

Sey, kə wù ghaa u loʼ u nə̂ tsɔbənə fə̀ŋ nə̀ n dzûmə wù sɔŋtsuʼ u wən nkee tə wey, n təŋkey, a ndzəm khə ghaa fə̂ wə udzəm.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

Galeshia 5:9

N dza ghə dza tsə nə̀, “À loʼ kə luʼu fə mbvuŋ sa n tɔ̀ɔ nfuŋ, fə ghəŋŋə nə̀ fuŋ n tii mə n dzəm n kɔʼ.” À wey loʼ nghee ghə sìi laʼanə ghaa tii.

2 Timoti 2:17

Ndzoʼo ghɔɔmə i laʼlə i ghə i tii zə, loʼ tə a loʼ kədzə̀ kə kɔmnə wù. Hemenus ghi Filetus loʼ ndzoʼo ghə̂ a ghən.

Jems 4:16

A fa loʼ nə̀ ghaa fəllə ghaŋŋə iwû n fwaʼa tə ghaa tən ghaa moʼlənə ni fwaʼ. Abə ghaa ghaŋŋənə wû zə sey, ghaa sey ghəŋŋə ghəə a bəbə ghə.