1 Kɔrint 5:13 - Kaa n Kəzə̀ n fəghə mə

¹³ À loʼ Kəzə̀ tə khənə ni saʼ ghə̂ ghey ghə loʼnə nə̀ a way dzûmə tə Klisto. I kee tɔ̀ɔ doʼo n màlə K-a-zə̀ nə̀, “Ghaa khə ni teeli dzum nuu shi wù bəbə wey tə loʼnə n fəŋŋə kə ghaa.”

1 Kɔrint 5:13 Mawu Ofanana

Matyo 18:17

Abə tə ka nam zow tə̀ ghaa, ney ndòw ghə i tii zə tə̀ ghə̂ a Ndaw Kəzə̀ ghə, tə ghə saʼ bə. Abə tə ka nam zow tə̀ ghə̂ a Ndaw Kəzə̀ ghə, ney ndòw na wi tə̀ a loʼ wù wey tə ka bəghəm tə Zə̀ kə, nkee wù kwɔɔ u màʼlə kə tsow kə.”

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

1 Kɔrint 5:1

Nya, ghə̂ a ndzəmə dza kaabənu nə̀ ghaa ghəŋŋə ghəə a laŋŋə ghə n fəŋŋə kə ghaa. Ghə dzanu nə̀ ghaa ghəŋŋə ndzoʼo ghəə a laŋŋə ghey abə a buʼ loʼ kə ghə̂ ghey ghə ka bəghəm tə Zə̀ kə, ghə way ni ghəŋə dzə. Ghə dzanu nə̀ wù loʼ loʼnu n fəŋŋə kə ghaa tə nyəŋinə ghi wey bày wi.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

1 Kɔrint 5:5

N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.

1 Kɔrint 5:7

Ghaa khə ni teeli sòw maʼa ghəə a bəbə ghən a loʼnə tə a loʼ mbvuŋ i wey zə n fəŋŋə kə ghaa tə̀ ghaa zow doʼo bə tə a loʼ baa kə fəghə kən mbvuŋ way tii. Saa ndzəm loʼ baa kən mbvuŋ way tii n təŋkey ghə mâ sâa Klisto tə a loʼ waa njì ə zə̂ kə Taa zaʼa kə n tow u saa.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.