1 Kɔrint 5:10 - Kaa n Kəzə̀ n fəghə mə

¹⁰ Mə â ka dza dzə ghə̂ ghey adzəm ghə ghəŋŋənə ghəə a laŋŋə ghən fa mbi, nkee ghə̂ ghən ghə shiənə n sə̂ ghə n fə u mbi, nkee ghə̂ a tsɔŋɔ ghə, nkee ghə̂ ghən ghə ngɔɔmənə muʼu mə. Abə a loʼ nə̀ mə â dza sey, i mə dii nə̀ ghaa sey khə ni zəghə maʼa mbi zən.

1 Kɔrint 5:10 Mawu Ofanana

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Tùm i dzuŋu zə kuum Yeso Klisto tə Jɔn â tɔɔnə 15:19

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

Tùm i dzuŋu zə kuum Yeso Klisto tə Jɔn â tɔɔnə 17:6

Mə n chi dii wù wey wə loʼ ghii wə tə̀ ghə̂ ghey wə â say shi bənə fa n mbi, fu bə tə̀ mə. Ghə â khə loʼ tsə ghə̂ ghə, wə n say shi bə ghə, fuu bə ghə tə̀ mə, ghə a naŋŋə ghɔɔmə zə zə̀.

Tùm i dzuŋu zə kuum Yeso Klisto tə Jɔn â tɔɔnə 17:9

N gɔŋŋə n tow u ghə, n gɔŋŋə dzə way n tow kə ghə̂ a mbi adzəm. Gɔŋŋə zuŋ i kee loʼ kə tə ghə̂ ghey wə â sày fuu bənə tə̀ mə, n təŋkey, à loʼ ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 8:23

Yeso n beeli ndow ghə nə̀, “Ghaa shi fa n mbi, mə n kee nuu shi tsu bə idəŋ. Ghaa loʼ ghə̂ a mbi, n kee way dzə wù mbi zən.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 10:27

Abə wù wey tə ka bəghəm tə̀ Zə̀ kə tɔŋɔ tsunə wɔ nə̀ wə bə zə̂ ghi wi, nə̀ wə tsə̀m kɔʼnu ni ndow, zə̂ fə kə ghaa kə tə fuunə tə̀ wɔ nə̀ wə ka ghə i bəb, sey nə̀, kə fə̀ŋ zə nə saʼanə wɔ.

1 Kɔrint 5:11

Mə â dza tə̀ ghaa nə̀ kə̂ ghaa nə̂ təmə dzəŋinə ghi wù wən tə tɔŋŋənə wû u wi wə nə̀ i loʼ dzûmə Klisto, loʼ sey nə̀ tə laŋŋənu, shiə n sə̂ ghə n fə u mbi, ngɔɔmə mmuʼu, khəə təfəghəm, mə̂ə khə̀ə nlə, nkee tsɔŋɔ. Kə̂ ghaa nə̂ buʼu zə̂ə dzəŋinə ghi ndzoʼo wù tii.

1 Kɔrint 5:9

N màʼlə kən mə â tɔ̀ɔ bənə tə̀ ghaa, mə â dza tə̀ ghaa nə̀ kə̂ ghaa nə̂ təmə dzəŋinə ghi ghə̂ a laŋŋə ghə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

1 Jɔn 4:5

Tûm tə tsɔŋɔ tən loʼ ghə̂ a mbi, sey, ghə ghɔɔmə ghəə a mbi, mbi a zowkeeli soʼonə ghə.

1 Jɔn 4:7

Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.