1 Kɔrint 4:8 - Kaa n Kəzə̀ n fəghə mə

⁸ Ghaa n keeli may fə̂ wey udzəm ghaa â ləghənə ni keeli ə? N dza ghaa n doʼo tən ghə̂ a kûum ghə? Ghaa nya loʼ udəŋ nə̀ ghey ka kam doʼo də̀ŋ wə ə? Tə̂ n mə duʼlə abə ghaa mə̂ ndzəm loʼnə də̀ŋ wə, sey ghey mə mbɔŋ loʼ ni doʼo bə udə̀ŋ ghi ghaa.

1 Kɔrint 4:8 Mawu Ofanana

Matyo 5:1

Nghee tə̀ Yeso koʼ tsunə nɔɔ kə aghə̂ kə bəghənə n səə wi, tə n nuu kɔʼ ndòw nə ukàʼ, ndòw doʼo tsu. Dzûmə tə wi tə n zuŋŋə bə n səə wi.

Lukas 6:25

Chɔt u loʼ tə ghaa ghey ghaa zəə kownə nya təŋkey nəŋə zə i bəghənu ghaa i loʼ n dzəŋ. Chɔt u loʼ tə ghaa ghey ghaa tsoʼonə nya təŋkey ghaa nə mownu, ghaa i deyyə.

Kəfwaʼ 26:29

Pɔl n dza nə̀, “Abə a loʼ kə n kəmə fə inəŋə, nkee n ndaŋ kə inəŋə, gɔŋŋə zuŋ tə Zə̀ kə loʼ nə̀ wɔ ghi ghə̂ ghən adzəm ghə zəllə ghɔɔmə zuŋ zə na mə doʼo tsu dzûmə tə Klisto tə a loʼ mə. N kee gɔŋŋə dzə way nə̀ ghaa doʼo ghə̂ ndaw tsaʼ tə a loʼ mə.”

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

1 Kɔrint 1:5

Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

2 Kɔrint 11:1

N moʼlə nə̀ ghaa i nyaʼi kownu fə̀ŋ n nyaŋi fə ilaʼlə fən n ghɔɔmənə fa. N buʼu bə kəwɔɔ, ghaa kow tsu fə̀ŋ.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

Chi dii 3:17

Wə dza nə̀, ‘N kûmnu, khə ufə̂ udzəm, n kəm kəŋə way fə kə loʼ kə.’ Wə kam khə way nə̀ wə maŋ loʼ fə kə ngoʼ, fə kə laa kə, wə loʼ n wû i zum zə, fə̀b doʼo soʼo.

Chi dii 5:10

Wə n ghəŋə nə̀ ghə doʼo bə fɔɔ wey fɔɔngili tə shiənə tii ni fwaʼ tə̀ Zə̀ kə saa kə ghə i saʼa aghə̂ adzəm fa a ghəlitsə.”