1 Kɔrint 4:6 - Kaa n Kəzə̀ n fəghə mə

⁶ Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

1 Kɔrint 4:6 Mawu Ofanana

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

1 Kɔrint 1:12

Ghəə zey n baa dzanə loʼ nə̀, ghə̂ a loʼ ghə n fəŋŋə kə ghaa a dza nə̀, “N dzûmə Pɔl”, a loʼ ghə a dza nə̀, “N dzûmə Apolos.” À loʼ ghə a dza nə̀, “N dzûmə Pita.” Ghə̂ a loʼ a loʼ soʼonu ghə dzanə nə̀, “N dzûmə Klisto.”

1 Kɔrint 1:19

I tɔ̀ɔ doʼo n màʼlə K-a-zə̀ nə̀, “Mə i ghəŋŋə ghə̂ ghən ghə moʼlə nə̀ ghə khə tɔb u nii wə, Ghə keeli tsu nə̀ tɔb u tii u maŋ loʼ kənunu. N ghəŋə nə̀ ghə̂ ghən ghə moʼlə nə̀ ghə ngii tɔbənu, Ghə keeli tsu nə̀, tɔb u ghə u tii u khə way fwaʼ kə loʼ kə.”

1 Kɔrint 1:31

À wey loʼ ghə i tii zə ghə tɔ̀ɔ naŋanə n màʼlə K-a-zə̀ nə̀, “Wù wey tə ləghə ni ghaŋŋə uwû, tə khə ni ghaŋŋə wû wə n ghəə ghey Mûkəbii ghəŋənə n muu i wi.”

1 Kɔrint 13:4

Ləghə i ghəŋŋə wù nə̀ tə i kow fə̀ŋ, tə i khə soʼo fə̀ŋ i dzuŋu zə. Ləghə i ghəŋŋə dzə way wù nə̀ tə i khə ghoʼ kə. Ləghə i ghəŋŋə dzə way wù nə̀ ghaŋŋə wû wə nkee kɔʼlə kaabə tsə uwû.

1 Kɔrint 3:19

I loʼ nə̀, fə̂ key mbi tɔŋŋənə nə̀ a loʼ utɔb, a loʼ ilaʼlə n sə K-a-zə̀. I loʼ tə i tɔ̀ɔ doʼonə n màʼlə K-a-zə̀ nə̀, “Zə̀ kə biilə kwɔɔ kɔʼɔ kə ghə̂ a tɔbə ghə n tɔb wey ghə dza ghə khənu.”

1 Kɔrint 3:21

Sey, kə wù ghaa u loʼ u nə̂ tsɔbənə fə̀ŋ nə̀ n dzûmə wù sɔŋtsuʼ u wən nkee tə wey, n təŋkey, a ndzəm khə ghaa fə̂ wə udzəm.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

1 Kɔrint 9:23

Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

2 Kɔrint 10:12

À way dzə nə̀ ghey foʼlə iwû nkee ghey baalə ghi ghə̂ ghey ghə kɔʼlənə wû zə nə̀ ghə loʼ ghə̂ a səŋi ghə. Abə ghə fòʼlənə wû i ghə zə sey, baalə soʼo sey n wû i ghə, ghə sey laʼlə maʼa wû i ghə.

2 Kɔrint 10:15

Ghey ka kɔʼlə dzə wû zə nə kəfwaʼ nə̀ à fwaʼ ghə̂ a nuu ghə. Ghey kee ləmmə kə nə̀ nghee tə bəghəm i fə̀ŋ i ghaa i nyim kɔʼɔ ndownə, luʼu key ghey khə ni fwaʼ kuum tii, kə i ndəŋə dow shiə ndow soʼonu.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

2 Kɔrint 12:6

Abə n dza i tsɔb fə̀ŋ, n way dzə ni doʼo wù laʼlə n təŋkey, ghəə ghey n dzanə loʼ isəŋə. N kee kwɔɔ tsu kə wû wuŋ n təŋkey, n ləghə dzə way nə̀ wù loʼ i kɔʼlə mə nə ighəə tsəghəshi ghəə zey tə̀ koʼnə n ghəŋənə nkee n dzanə.

2 Kɔrint 4:15

Ghəə ghən adzəm a loʼ ni gaamə ghaa sey nə̀, nghee tə̀ ndzuŋ ə Kəzə̀ zaamə ndownə, ndəmə aghə̂ ghə i loʼ ni ndəŋə fuu ndow zɔŋŋə kə tə̀ Zə̀ kə ni ghəŋə nə̀ ndəmə aghə̂ ghə i fuu kɔʼləmə tə̀ wi.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.