1 Kɔrint 4:5 - Kaa n Kəzə̀ n fəghə mə

⁵ Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

1 Kɔrint 4:5 Mawu Ofanana

Matyo 10:26

Yeso n ndow n sə̂ kə dza tə̀ ghə nə̀, “Kə ghaa nə tsəŋənə ghə, n təŋkey, ghə i loʼ i way ghə tsəd naŋanə, nə̀ î nə bə doʼo way təghə, ghə i loʼ i way ghə tsɔŋ ghəŋənə, ghə nə bə keeli way.

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Matyo 24:46

Wù kəfwaʼ wən î ngii duʼlənu abə mûkəbii fən nyi bənə, bə koʼ bə nə̀ tə fwaʼa dzɔbənu.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 25:23

Mûkəbii wey n dza ndòw tə̀ wi nə̀, ‘Wə n ghəŋə dzɔb, wə loʼ wù kəfwaʼ u dzuŋu wə, wù loʼ ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuu naŋanə tə̀ wɔ, sey mə î kɔʼlə naŋŋə kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Lukas 6:37

Kə ghaa nə saʼabəəbənə ghə̂ ghə, n təŋkey Zə̀ kə i saʼa bəəbə soʼo ghaa. Kə ghaa nə tsəʼlənə saʼ n kow ghə̂ a loʼ ghə təŋkey Zə̀ kə i tsəʼlə saʼ soʼo n kow ghaa. Ghaa khə ni neyzəə ghəə a bəbə ghey ghə ghəŋənə tə ghaa, Zə̀ kə i neyzəə soʼo ghəə a ghaa a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 21:22

Yeso n beeli ndow wi nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee? Dzûmə bə mə!”

Tùm i dzuŋu zə kuum Yeso Klisto tə Jɔn â tɔɔnə 21:23

Zɔŋ wə n fuŋ nay ndow n fəŋŋə kə ghə̂ ghey ghə â bəghəmnə tə̀ Yeso nə̀, ngəd zən i kpu way, loʼ sey nə̀ Yeso â ka dza dzə tə Pita nə̀ ngəd ə tii nə kpu way. Tə â fəd dza nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee?”

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Roma 14:4

Wə loʼ ndee tə wə i saʼa wù kəfwaʼ a wù nuu ə? À loʼ kə mûkəbii wi tə loʼnə ni dza nə̀ tə fwaʼa dzɔbənu nkee tə fwaʼa dzɔbə way. N daʼa K-a-zə̀, tə i fwaʼa dzɔbənu n təŋkey à loʼ Mûkəbii tə loʼnə ni ghəŋə wi nə̀ tə fwaʼ dzɔb.

Roma 2:1

Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 11:16

Wù wey tə way ni bəghəm ghəə ghən n dzanə, ghey, nkee dzəŋi u dzûmə tə Klisto u kəm khə way ghə i loʼ zə ni kuu kpiʼi n jìi zey ghə loʼ ni kɔʼlə Kəzə̀ tii.

1 Kɔrint 11:26

I sey dii nə̀, nəŋə tədzəm ghaa zə̂ənə baa kən mə̂ə soʼo lə mən, ghaa sey naʼlə ndow tə̀ ghə̂ a loʼ ghə nə̀ Yeso â kpu n tow u ghaa. Ghaa i naʼlə sa ni ndow kuum n tsuʼ fey tə i bəghə dzəŋŋənə tii.

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

1 Kɔrint 3:14

Zə̀ kə i naamənu wù wey tə bəghənə n tsə kə ndaw kə tii kə n fə wey vəllə u fəə nuulə way.

1 Kɔrint 3:8

Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

2 Kɔrint 10:18

I loʼ sey n təŋkey, à way dzə wù wey tə kalinə wû u wi wə, tə ghəŋŋənə ghəə ghey a kpiinə n sə K-a-zə̀, à fəd loʼ wù wey Mûkəbii kalinə, tə ghəŋŋənə ghəə ghey a kpiinə n sə K-a-zə̀.

2 Kɔrint 10:9

N ləghə dzə way nə̀ i doʼo tə̀ n bəmi bə ghaa n màʼlə wən n tɔ̀ɔ bənə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

Hibru 4:13

Fə kə loʼ kə way Zə̀ kə bɔmnə, kə nyi doʼonə sə̂ a wi. Fə udzəm u chi doʼonu, loʼ n mgbaŋ n sə kə wi wən saa khə ni teeli fu taŋ tə̀ wi.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

Jems 5:7

Waazə ghə, kow tsu kə na fə̀ŋ tə ni ndow kùm n nəŋə zey Mûkəbii i bəghənə tii. Ghaa koʼonu nghee tə wù usum kow tsunə fə̀ŋ tii ni ləmə kəŋə ndow nə̀ sum u wi u fuu bə wi n fəzəə wə. Tə kow tsu kə fə̀ŋ sa, ghow zə n tsu kəŋə ndow sa tə̀ num i bən bə tii, fəzəə wə n fən nyi bə.

Jems 5:9

Waazə ghə, kə ghaa nə̂ bəghəm nə̀ zuu zə i shiə n fəŋŋə kə ghaa, nə à way sey Zə̀ kə i saʼ ghaa. I loʼ sey n təŋkey, nəŋə i wù wey tə i saʼanə mbi zən ni bə n shɔd.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

2 Pita 3:12

nghee ghaa ləmmə tənə tsuʼ fey Zə̀ kə naŋanə nə̀ Yeso i bə dzəŋŋə, kə ghəŋə nə̀ tsuʼ fə tii fə mbad bə. N tsuʼ fə tii fə, vəllə u nə ləŋi maʼa kɔʼ kədəŋ, zuʼ kə uvəllə kə nə ghəŋə nə̀ fə wey udzəm u loʼnə idəŋ, nyə̀ŋ nuu tsu.

2 Pita 3:4

Ghə nə bəbə nə̀, “N dza Yeso mâ dza naŋa nə̀ tə i kəm bəghənu ə? Tə ghee?” Ni ney nuu bə tə̀ mbi a nə kaʼnə, ghə bày bày a saa ghə n bə kpuulə, aghəə adzəm a ndow kə ighələ tə ghə â loʼnə nə nzeyyə.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.

Chi dii 20:12

Mə n koʼ ndow ghə̂ a kpuu ghə, ghə̂ a səŋi ghə nsə ghə̂ ghən ghə way ghə̂ a səŋi ghə, ghə teynə n sə kə kuu kə fɔɔ key. Ghə n chiələ umàʼlə, bə chi kɔʼ kə loʼ kə nə à loʼ màʼlə ghə tɔ̀ɔ naŋanə zəd a ghə̂ ghey ghə i keelinə muu zə itsali zə a tii. Ghə i saʼa ghə a kpuu ghə n ghəə ghən ghə â ghəŋənə tə i tɔ̀ɔ doʼnə n màʼlə u tii wə.