1 Kɔrint 4:2 - Kaa n Kəzə̀ n fəghə mə

² Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

1 Kɔrint 4:2 Mawu Ofanana

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 25:23

Mûkəbii wey n dza ndòw tə̀ wi nə̀, ‘Wə n ghəŋə dzɔb, wə loʼ wù kəfwaʼ u dzuŋu wə, wù loʼ ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuu naŋanə tə̀ wɔ, sey mə î kɔʼlə naŋŋə kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

1 Kɔrint 4:1

Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 4:3

Abə mə, n tsəmə naŋŋə dzə way sə̂ zə abə ghaa saʼanə mə nkee abə wù sɔŋtsuʼ u loʼ u saʼanə mə. Isəŋə loʼ nə̀, wû wuŋ, n saʼa soʼo way wû wuŋ wə.

1 Kɔrint 7:25

N ghəə ghən ghaa a tɔ̀ɔ bəb bənə kuum ghə̂ ghən ghə ka kam ney iwû, n khə way laŋ kə loʼ kə Mûkəbii fuu bənə. Nghee Mûkəbii kwɔɔlənə sî zə n kow mə, ghəŋə nə̀ ghə̂ a loʼ ni gaʼ fə̀ŋ n kow mə, n kee fuu bənu saalə kuŋ kə.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

Kolose 1:7

 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.

Kolose 4:17

Dza ndow na tə Achipus nə tə dəm tsu ni mayyə fwaʼ kən Mûkəbii fuu naŋanə tə wi nə tə fwaʼ.

Kolose 4:7

Taychikus, waazə ə saa u dzuŋu wə, i tiilə dza bənu tə ghaa ghəə ghey a tsəghənə fa adzəm bòʼ mə. Tə fwaʼa dzəŋi ghi mə, fwaʼa soʼo tə Mûkəbii n fə̀ŋ ə wi idzəm.