1 Kɔrint 4:12 - Kaa n Kəzə̀ n fəghə mə

¹² Ghey ndeemi iwû ni fwaʼ, fwaʼa n wɔɔ a ghey. Abə ghə̂ a tsɔɔmənə ghey, ghey n fəd fuu ghə n buulə zə. Abə ghə chɔdlɔnə ghey, ghey n kee kow tsu kə təfə̀ŋ.

1 Kɔrint 4:12 Mawu Ofanana

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Lukas 23:34

Yeso n gɔŋŋə dza, “Bày neyzəə ghə̂ ghən təŋkey ghə khə way ghə zey ghə ghəŋənə.” Sawgoʼ tey n təm mboʼ ni keeli nghee tə ghə loʼnə ni dzaw ndzə tə wi tə n wû i ghə.

Lukas 6:28

I fuu buulə zə tə̀ ghə̂ ghey ghə tsɔɔmənə ghaa, gɔŋŋə tə ghə̂ ghey ghə chɔdlɔnə ghaa.

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Kəfwaʼ 18:3

Tə n ndow muu dzəŋi ndow ghi ghə, fwaʼa dzəŋi soʼo ghi ghə n təŋkey ghə â taŋi fə wən ghə tsədənə fəə mə tii tə aloʼ wi.

Kəfwaʼ 20:34

Wû i ghaa, ghaa khənu nə̀ mə â fwaʼ tsu n wɔɔ ghuŋ ghən ni keeli fə wən mə ghi ghə̂ ghən adzəm mə â loʼ dzəŋinə ghi ghə â ləghənə.

Kəfwaʼ 7:60

Tə n bwu ndow nə anyi, dey shi kɔʼ n dzə i taw zə dza, “Mûkəbii, kə wə nə ney naŋŋənə bəb zən n tow u ghə.” Ambə tə dza tsunə sey, tə n kpu i tsu.

Roma 12:14

Ghaa i gɔŋŋə ndow tə Zə̀ kə nə̀ tə buulə ghə̂ ghey ghə ghəŋənə nə̀ ghaa i fəʼlə. Ghaa i dza ndow nə̀ Zə̀ kə buulə ghə, kə tə nə tsɔɔmənə ghə.

Roma 12:20

Sey, kə wə nə deynə ngəmə tə, fədlə ghəŋə ndow ghəə ghey màʼlə K-a-zə̀ kə dzanə nə̀, “Fuu fəzəə wə tə wù təngəmə wə bə tə dey bənə dzəŋ, Wə fuu mmuu tə̀ wi abə fə̀ŋ ə mmuu zuʼlənə wi. Abə wə ghəŋŋənə sey, tə i ngii keeli tow kə dədlə kə.”

Roma 8:35

A loʼ kee kə loʼnə ni dzawwə saa ghi Klisto tə ləghənə saa a? Abə a buʼ loʼ kənə chɔd wə nkee saa tsəmə fəʼlə kənu nkee saa zow kə ngoʼ nkee dzəŋ tsəmə zabə kənə saa, tsəm loʼ tə̀ zə i wey maʼa saa, i tsəm way ni dzawwə koʼ saa n ləghə zey klisto khənə nkow saa.

1 Kɔrint 9:6

Nkee ghə moʼlə nə̀ i kpii kə tə̀ mə ghi Banabas ni fwaʼ tə̀ ghey ni keeli fə kə zəə kə ə?

2 Kɔrint 11:8

I nya loʼ tə̀ mə â tsɔŋnu dzəŋi u dzûmə tə Klisto u loʼ wey nghee mə â neynə gaamə zey ghə tsowwə tsunə ni tɔɔmə ghaa tii.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

2 Tesalonika 3:8

Ghey ka zə̂ dzə fə̂ kə wù kə kənunu. Ghey fəllə fwaʼanu nəŋə tədzəm n tsuʼu tə nsə n tsə̂ tə sey nə̀ kə̂ ghey nə̂ doʼlənə tə̀ a loʼ kəfəmmə tə wù ghaa u loʼ wə.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

1 Pita 3:14

Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

1 Pita 3:9

Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

1 Pita 4:19

Sey dzûmə tə Klisto tey tə fəʼlənə nə̀ a ləghə Kəzə̀ nə̀ ghə fəghə, ghə khə ni fwaʼa ndow kə fwaʼ kə ghə kə dzuŋu kə, fuu may ndow wû i ghə tə̀ Zə̀ key kə bɔmnə ghə n təŋkey kə taw naŋŋənu dzuu i wi zə.

Màʼlə kə Jud tə̀ ghə̂ a Kəzə̀ ghə 1:9

Wû u Maykel wən tə â loʼnə tow kə tsətəndəghə tə Kəzə̀, nghee tə â zùulənə vən i Mushi zə ghi vəətsəə ghə, tə â ka fòʼlə dzə ni tsəʼlə saʼ n kow wi nə̀ tə tsayyə Kəzə̀. Tə â fəd dza nə̀, “N gɔŋŋə nə̀ Zə̀ kə chɔd wɔ n ghəə zən.”