1 Kɔrint 4:10 - Kaa n Kəzə̀ n fəghə mə

¹⁰ Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

1 Kɔrint 4:10 Mawu Ofanana

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Lukas 18:9

Yeso n kəm dza ndow zəzəə fə fənkəfən fən tə ghə̂ a loʼ ghə, ghə â tɔʼ khənə nə̀ ghə ngii loʼ tsətsəghə kee koʼo kii ghə̂ a loʼ ghə nə̀,

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:32

Ambə ghə zow tsu Pɔl mɔm tsu buʼ kə zhəm dzəŋŋə kə nə ivə, ghə̂ a loʼ ghə n kaʼ ndow wi nə u sɔʼlə wə, a loʼ ghə n kee dza nə̀, “Ghey ləghə nə̀ wə i bə dzəŋŋə, wə faalə dza kpiʼi bə i zən tə ghey.”

Kəfwaʼ 26:24

Nghee Pɔl nam dəmə ni tiilə dza nə̀ i ka ghə i bəbə i loʼ i ghəŋə dzə, Festus n nuu dza shi kɔʼ n dzə i taw zə nə̀, “Pɔl, wə zəghənu! Màʼlə kə key wə ngii zoʼlə tsu sa, kə n saʼa maʼa tow kə kə̀.”

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 1:23

A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 1:25

Ghəə ghən Zə̀ kə ghəŋŋənə, ghə̂ a moʼlənə nə̀ a loʼ ilaʼlə, a khə utɔb tsəghəshi tɔb u wù sɔŋtsuʼ. Ghəə ghən Zə̀ kə ghəŋŋənə, ghə̂ a koʼo soʼonə nə̀ a loʼ ghəə a lay ghə, a khə kədaʼa tsəghəshi daʼa kə wù sɔŋtsuʼ.

1 Kɔrint 10:12

A wey loʼ ghə i tii zə, wù wey tə̀ moʼlənə nə̀ tə tɔʼ teynu n bəghəm i fə̀ŋ i wi, khə ni ney ighə̂mə, sey nə̀, kə tə nə bwunə n bəghəm i fə̀ŋ i wi.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 2:3

Ambə n bənə n fəŋŋə ghaa, wû wuŋ wə â taw way, mə n tsəŋŋə tənə kə sa n wɔ tsəŋ zə nə̀ mə i fwaʼ dzɔb way fwaʼ kuŋ kə.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 3:2

Mə â fuu ghaa n ghii mə nə̀ ghaa mə̂, â way dzə fəzəə u taw wə, n təŋkey, ghaa â ka kam nyim kpii dzə ni zə̂ fəzəə u taw wə. Ndzəm ndzəm sa, ni bə taa bə na ghaa ka kam nam nyim kpii dzə ni zə̂ fəzəə u taw wə.

1 Kɔrint 4:8

Ghaa n keeli may fə̂ wey udzəm ghaa â ləghənə ni keeli ə? N dza ghaa n doʼo tən ghə̂ a kûum ghə? Ghaa nya loʼ udəŋ nə̀ ghey ka kam doʼo də̀ŋ wə ə? Tə̂ n mə duʼlə abə ghaa mə̂ ndzəm loʼnə də̀ŋ wə, sey ghey mə mbɔŋ loʼ ni doʼo bə udə̀ŋ ghi ghaa.

2 Kɔrint 10:10

N dza sey n təŋkey, ghə̂ a loʼ a dza nə̀, “Màʼlə u wi u khə kəzən, taw, abə tə kee teynə n wû u wi wə, tə way ni dza ghə i səŋi i loʼ zə.”

2 Kɔrint 11:19

N dza sey n təŋkey, ghaa dza ghaa tɔbənu, nam bəghəm ghəə ghey ghə̂ a laʼlə a dzanə!

2 Kɔrint 11:29

À loʼ ndee tə laynə n bəghəm i fə̀ŋ i wi, mə n ka kwɔɔlə isî n kow wi ə? À loʼ dzûmə Klisto u ghaa wə ghə ghəŋə tsunə nə̀ tə ghəŋə bəəbə, nə̀ fə̀ŋ ka ngii fə mə ghi wù tii ə?

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

2 Kɔrint 4:12

Sey ghey sa koʼo ivə nə̀ ghaa keeli imuu.

2 Kɔrint 6:8

Nəŋə tə loʼ tə, ghə n ngɔɔmə ghey, nəŋə tə loʼ tə ghə n tsayyə ghey. Ghə̂ a loʼ a kpaalə ghey, ghə̂ a loʼ ghə a kalinə ghey. Ghə̂ a loʼ ghə a koʼo ghey tə̀ ghey badla aghəə, loʼ sey nə̀ ghey dza isəŋə.

1 Tesalonika 4:8

Sey, abə wù tuu maʼanə tsə̀ zən, tə ka kad tuu maʼa dzə tsə̀ i wù sɔŋtsuʼ zə, tə sey tuu maʼa soʼo Kəzə̀, Zə̀ kən kə fuunə saa n Zay kə Zow kə.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.