1 Kɔrint 4:1 - Kaa n Kəzə̀ n fəghə mə

¹ Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

1 Kɔrint 4:1 Mawu Ofanana

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Malakus 4:11

Yeso n beeli ndòw ghə nə̀, “Zə̀ kə n ghəŋə nə̀ ghaa keeli sad i fɔɔ u Kəzə̀, a sə bə ghə̂ a loʼ ghey ghə way n fɔɔ u tii wə, n dii kə ghə n ghəə ghə n ghɔɔmə i fənkəfən. I loʼ sey n təŋkey i tɔ̀ɔ doʼo n maʼlə kə tûm Kəzə̀ Ayzaya nə̀,

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 8:10

Tə n beeli ndow ghə nə̀, “Ghə n fu ghaa n tɔb u tii wə ni zowkeeli sad i fɔɔ u Kəzə̀, abə ghə̂ a lòʼ ghey n khə kə ni ghɔɔmə tə ghə n ghɔɔmə i fənkəfən; sey, ghə i lòʼ ni laalə, koʼo keeli way; zəllə zowkeeli way.

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 4:13

Abə ghə kpaalənə ghey, ghey n kee beeli ndòw kə n dzə̀ i dzuŋu zə. Ghey maŋ loʼ tə̀ a loʼ fə̂ u kənunu tə̀ mbi. Ni bə kuum bə nya, ghey nya maŋ loʼ tə a loʼ dzə̂ u mbi ghə feeli maʼanə.

1 Kɔrint 4:2

Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 12:6

Abə n dza i tsɔb fə̀ŋ, n way dzə ni doʼo wù laʼlə n təŋkey, ghəə ghey n dzanə loʼ isəŋə. N kee kwɔɔ tsu kə wû wuŋ n təŋkey, n ləghə dzə way nə̀ wù loʼ i kɔʼlə mə nə ighəə tsəghəshi ghəə zey tə̀ koʼnə n ghəŋənə nkee n dzanə.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 6:19

Ghaa i gɔŋŋə soʼo tə̀ mə, nə̀ Zə̀ kə fuu mə n ghəə zey n khə ni dza, abə buʼ kə shinə tə̀ mə ni ghɔɔmə, sey nə̀ mə i loʼ ni chi dii ghəə ghən a nyi doʼonə n tûm i dzuŋu zə n fə̀ŋ idzəm nə̀ n khə way tsəŋ i loʼ zə.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

Kolose 4:3

Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 3:6

Tə khə way ni loʼ wù wey tə kuʼlə bəghəm kɔʼnə tə Zə̀ kə. Nə̀ a way sey, tə i kaʼ ni ghaŋŋə uwû, Zə̀ kə i fuu soʼo wi n ndzoʼo ngoʼ zən tə â fuunə tə vəətsəə ghə.

1 Timoti 3:9

Ghə khə ni teeli khə fə̀ŋ tə zow tə tə̀ ghə naŋŋə kɔʼɔ bənə isəŋə zən Zə̀ kə â chi dii bənə tə ghə bòʼ bəghəm i fə̀ŋ.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.