1 Kɔrint 3:9 - Kaa n Kəzə̀ n fəghə mə

⁹ I loʼ sey n təŋkey ghey maŋ loʼ ghə̂ a kəfwaʼ, ghey dzəŋi fwaʼanə tə̀ Zə̀ kə. Ghaa a kee loʼnə tə a loʼ sum u Kəzə̀, ghaa u loʼ soʼonə ndaw zey Zə̀ kə fwaʼanə tii.

1 Kɔrint 3:9 Mawu Ofanana

Matyo 15:13

Yeso n beeli ndòw ghə dza nə̀, “Fə key kə zəghə doʼonə nə à ka Bày wuŋ idəŋ zəghə, ghə î suulə maʼanu.”

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 9:37

Tə̂ n daŋŋə dza tə̀ ngəd tə wi tə nə̀, “Fəzəə u ndzəm ndəŋ loʼnu n mbvən, a kee loʼ kə nə̀ ghə̂ a kəfwaʼ a dow way ni ney fən bə.

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Kəfwaʼ 4:11

Yeso wən loʼ wù wey màʼlə K-a-zə̀ kə dzanə nə̀, ‘Tay zey ghaa ghə̂ a bɔm a təndaw a tuu maʼanə, Zə a bə fəd doʼo kɔʼnə tay i bow i ndaw zə.’

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 2:7

Ghaŋ tə ghaa tə khə ni nyi taw tsu n kow wi, ghaa bəghə kɔʼ bə muu i ghaa n kow wi, sey, bəghəm i fə̀ŋ i ghaa zə i nyîmmə nə isəŋə zən ghə â diinə tə ghaa, ghaa i fuu soʼo zɔŋŋə kə tə Zə̀ kə naʼ idzəm.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

3 Jɔn 1:8

Saa ghən saa bəghəmnə tə Klisto, khə ni gaamə ndzoʼo ghə̂ ghən tə saa doʼo ghi ghə nə kəfə kəmɔʼ nə isəŋə zən ghə diinə.