1 Kɔrint 3:8 - Kaa n Kəzə̀ n fəghə mə

⁸ Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

1 Kɔrint 3:8 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Lukas 19:19

Tə dza ndow tə wi nə̀, ‘mə i naŋŋə wɔ tə a loʼ tsoʼ nə tə kɔli tətaa.’

Roma 2:6

I loʼ sey n təŋkey, Zə̀ kə i bɔɔmə tsəə kə kay wù n fwaʼ key tə fwaʼnə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

1 Kɔrint 3:14

Zə̀ kə i naamənu wù wey tə bəghənə n tsə kə ndaw kə tii kə n fə wey vəllə u fəə nuulə way.

1 Kɔrint 3:7

Wù wey tə zəghənə ndzoʼ tə nsə wù wey tə vəələnə, ghə way dzə ni ghəŋə nə̀ ndzoʼ tə tii tə i nyim, à may kə Kəzə̀ kə loʼ ni ghəŋə nə̀ ndzoʼ tə tii tə i nyîmmə.

1 Kɔrint 3:9

I loʼ sey n təŋkey ghey maŋ loʼ ghə̂ a kəfwaʼ, ghey dzəŋi fwaʼanə tə̀ Zə̀ kə. Ghaa a kee loʼnə tə a loʼ sum u Kəzə̀, ghaa u loʼ soʼonə ndaw zey Zə̀ kə fwaʼanə tii.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 9:7

À loʼ wù ghaa wə tə fwaʼanə tə a loʼ sawgoʼ nə̀ tə zəə kə n mbəghə kə wi ə? À loʼ ndee tə̀ zəghənə tam wə, tə n ka kɔy nəghə ə? Nkee a loʼ ndee tə nyiəllənə mbɔŋ tə, tə n way ni kammə mə̂ ghii n tii mə ə?

Galeshia 6:4

Kay wù khə ni tɔʼ laalə kɔʼ bə muu i wi ni koʼ nə̀ i dzɔbə kənu ə. Abə i dzɔbə nə̀, wə loʼnu ni tsɔb fə̀ŋ zə n nəŋə i tii zə n ghəə ghey wə ghəŋənə. Wə khə dzə way ni ney ghəə ghey wə ghəŋənə, wə baalə ndow ghi ghəə zey wù loʼ ghəŋənə.

Galeshia 6:5

N sey dza təŋkey, kay wù khə kə ni fwaʼ fwaʼ key Zə̀ kə fuu naŋanə tə wi nə tə fwaʼ.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

2 Jɔn 1:8

Ghə̂mə na nə kə ghaa nə guŋŋənə fə kə loʼ kə n fwaʼ kən ghey fwaʼanə, kuu nyi ndow na sə̀ŋ zə, sey nə̀, ghaa loʼ ni keeli kənaamə naʼ idzəm.

Chi dii 2:23

Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.

Chi dii 22:12

Yeso dza nə̀, “Koʼo! Mə i kuʼlə bəghənu! N bəghənu n naamə kə, ni naamə kay wù nghee tə̀ tə fwaʼ kuumnə tii.