1 Kɔrint 3:5 - Kaa n Kəzə̀ n fəghə mə

⁵ Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 3:5 Mawu Ofanana

Matyo 25:15

Tə n fuu ndòw kə tə̀ kay, tə̀ daʼa kə wi kə diinə. Tə n fuu ndòw wù umɔʼ n mbəghə wə ukhəə wə utaa, fuu ndòw u loʼ wə n mbəghə wə ubəghə, fuu ndòw wù loʼ wey n mbəghə kə kəmɔʼ.

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Tùm i dzuŋu zə kuum Yeso Klisto tə Jɔn â tɔɔnə 3:27

Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə.

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 16:12

A kee bə n ghəə ghən ghaa â tɔ̀ɔ bənə kuum Apolos, n mâ dza tə̀ wi nə̀ tə bə koʼ ghaa ghi dzûmə tə Klisto tə loʼ tey. À kee loʼ nə̀ tə kam ləghə way ni bə nya. Tə i bə koʼo kənu ghaa abə tə keeli kɔʼnə bùʼ kə.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:22

Fə u tii wə udzəm loʼ u ghaa wə, nə̀ a loʼ kə Pɔl nkee Apolos nkee Pita. Abə à buʼ loʼ kə mbi i zən nkee imuu nkee ivə, nə̀ a loʼ kə ghəə ghən nya nkee a ghey a nam khə ni bə, ghəə a tii adzəm a loʼ tə̀ ghaa.

1 Kɔrint 3:7

Wù wey tə zəghənə ndzoʼ tə nsə wù wey tə vəələnə, ghə way dzə ni ghəŋə nə̀ ndzoʼ tə tii tə i nyim, à may kə Kəzə̀ kə loʼ ni ghəŋə nə̀ ndzoʼ tə tii tə i nyîmmə.

1 Kɔrint 9:17

Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 3:3

Ghaa dii bənu nə̀ ghaa loʼ kəmàʼlə Klisto tɔ̀ɔ bənə, tûm bə n wɔ ghey. Klisto â ka tɔ̀ɔ dzə màʼlə kə tii kə n dzaŋ k-a-màʼlə, tə â tɔ̀ɔ n Zay kə Zə̀ kən kə loʼnə utaw. Tə â ka tɔ̀ɔ soʼo màʼlə kə tii kə nə atay, tə â fəd tɔ̀ɔ n fə̀ŋ tə aghə̂.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

2 Kɔrint 4:7

Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

2 Kɔrint 5:18

Ghəə ghən adzəm, à ghəŋŋə Kəzə̀, tə təmdzəŋi bə ghey ghi wi n bam i Klisto. À fuu wi fwaʼ kən tə̀ ghey nə̀ ghey i təmə dzəŋi bə ghə̂ ghə ghi wi.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

Efesus 3:7

N bam i ndzuŋ ə Kəzə̀ nsə daʼa kə wi, n loʼ wù kəfwaʼ a wi ni naʼlə tûm i dzuŋu zən.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.