1 Kɔrint 3:13 - Kaa n Kəzə̀ n fəghə mə

¹³ N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

1 Kɔrint 3:13 Mawu Ofanana

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Lukas 2:35

sey tə i dii fuu moʼlə tey tə loʼnə n fə̀ŋ tə aghə̂. Chɔt u nə saw wɔ n fəŋ, u nə loʼ tə̀ ghə saw wɔ n kɔb.”

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 3:12

Abə wù bəghə kənə ndzoʼo ndaw i ghaa zə n tsə̂ kə ndaw kən, nə̀ tə bəghə kə n tsâa zə i shɔlɔ, nə itsaa, n tay ghən a kwɔɔnə wən i taw zə, nə nkaʼ, nə uwii, nkee fəndzam.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 1:18

N gɔŋŋə nə̀ Zə̀ kə kwɔɔlə isî n kow wi n tsuʼ fey Mûkəbii i bəghənə tii. Wə tɔʼ khənu nghee tə â gaamənə mə tii n naʼ i Efesus.

2 Timoti 3:9

À kee loʼ nə̀ ghə nə ghəŋə tsuŋŋə way ghəə ghən n təŋkey, aghə̂ adzəm i koʼo keelinu laʼlə i ghə zə, ighələ tə zə â shinə tə Janis ghi Jambris.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 4:12

Fə ghuŋ a dzuŋu ghə, kə dzuu zə i zum ghaa n ngaamə kə ifəghə kən ghaa fəʼlənə nya. Ghəə a tii a maŋ loʼ kə ni mɔm koʼ bəghəm i fə̀ŋ i ghaa. Ghaa loʼ ni moʼlə nə̀ à loʼ ghəə i fəghə i loʼ zə i shiənə n kow ghaa.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

Chi dii 20:12

Mə n koʼ ndow ghə̂ a kpuu ghə, ghə̂ a səŋi ghə nsə ghə̂ ghən ghə way ghə̂ a səŋi ghə, ghə teynə n sə kə kuu kə fɔɔ key. Ghə n chiələ umàʼlə, bə chi kɔʼ kə loʼ kə nə à loʼ màʼlə ghə tɔ̀ɔ naŋanə zəd a ghə̂ ghey ghə i keelinə muu zə itsali zə a tii. Ghə i saʼa ghə a kpuu ghə n ghəə ghən ghə â ghəŋənə tə i tɔ̀ɔ doʼnə n màʼlə u tii wə.