1 Kɔrint 3:12 - Kaa n Kəzə̀ n fəghə mə

¹² Abə wù bəghə kənə ndzoʼo ndaw i ghaa zə n tsə̂ kə ndaw kən, nə̀ tə bəghə kə n tsâa zə i shɔlɔ, nə itsaa, n tay ghən a kwɔɔnə wən i taw zə, nə nkaʼ, nə uwii, nkee fəndzam.

1 Kɔrint 3:12 Mawu Ofanana

Kəfwaʼ 20:30

Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 3:11

Wù loʼ way dzə ni səd tsə̂ kə ndaw kə nuu kə nə̀ à way kə key Zə̀ kə â səd tsəghə dzənə. Tsə kə ndaw kə tii kə loʼ kə Yeso Klisto kə.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

2 Timoti 2:20

N ndaw wù nii, lii tə ufə tə loʼ fu. À kad way kə fə wən ghə faalə nə itsàa nsə n tsâa zə ishɔ̀lɔ̀, fə u loʼ soʼonu fu ghə faalənə nə nkaʼ nsə nə itsaʼ. U loʼ u loʼnu nə̀ a loʼ fə u kuum ighəə, u loʼ wə a loʼ nə̀ à maŋ loʼ soʼo u wən ghə fwaʼa kaabənə tii nəŋə tədzəm.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

2 Timoti 3:7

Gheyzən ghən dəmə zeeli tsə kə nəŋə tədzəm ni zoʼlə ghəə a fəghə ghə, loʼ sey nə̀ ghə way ni zowkeeli koʼ isəŋə.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.

Chi dii 21:18

Ghə â bɔm mbàa i tii zə n tay ghən wən i tii i tawnə, ghə tɔŋŋə nə̀ à loʼ jaspa. Ghə n bəghə naʼ i tii n baa baa kə itsàa nə i zowwə tənə kə tə a loʼ kəlungali.

Chi dii 3:18

N tsə̀ə bə wɔ nə̀ wə zuu kɔʼ itsàa n wɔ mə nə ghə n tsə nə kənam, sey nə̀, wə i kûm tə̀ wə zuu ndzə tə fəmə tə ni dzəŋə n wû wə ni tsəd naŋa wû wə u zum wə. Wə zuu soʼo utey ni zɔʼ n sə̂ ghə tə wə i tɔʼɔ koʼo luʼu tə.