1 Kɔrint 3:10 - Kaa n Kəzə̀ n fəghə mə

¹⁰ Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:10 Mawu Ofanana

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Matyo 7:24

Yeso n dza tə̀ ghə nə̀, “Wù wey tə zownə ghɔɔmə zuŋ zən, ghəŋŋə ndòw ghəə ghey n dzanə, loʼ tə̀ à loʼ wù tɔbə wey tə â dza i bəghə ndaw, tə n səd tsu dzə tsə̂ kə tii kə nə atay.

Lukas 11:35

Sey, i ghəəmətsu na nə kə̂ i nə loʼnə nə̀ tsə̂ wey ghaa moʼonə nə̀ ghaa khənu nə fəd loʼnə ləm kə.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Kəfwaʼ 18:27

Ambə Apolos ləghənə ni daŋ nə Akaya, dzûmə tə Klisto tey n Efesus n kuu fə̀ŋ ə wi nə tə ndow. Ghə n tɔ̀ɔ ndow kəmàʼlə tə dzûmə tə Klisto tey fu, nə̀ ghə ney naŋa wi. Ambə tə nyi ndownə fu, tə n ngii gaamə ghə̂ ghey ghə â bəghəmnə tə Klisto boʼ ndzuŋ ə Kəzə̀.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

Roma 15:15

À kee loʼ nə̀ n màʼlə kən tɔ̀ɔ bə tə ghaa n fə̀ŋ zuŋ idzəm ni kəm tɔʼ zəŋŋə kpiʼi bə ghaa n ghəə a loʼ ghə. N khə fə̀ŋ ə tii ni tɔ̀ɔ bòʼ ndzuŋ zey Zə̀ kə fuunə tə mə.

Roma 15:20

Dey zuŋ zə â loʼ ni naʼa ndow tûm i dzuŋu zən boʼ Klisto n luʼu tey wù loʼ ka kam naʼa koʼ tsə fuu, sey nə̀, kə n nə bəghənə n tsə kə ndaw nə̀ à səd naŋa wù nuu.

1 Kɔrint 3:11

Wù loʼ way dzə ni səd tsə̂ kə ndaw kə nuu kə nə̀ à way kə key Zə̀ kə â səd tsəghə dzənə. Tsə kə ndaw kə tii kə loʼ kə Yeso Klisto kə.

1 Kɔrint 9:2

Abə ghə̂ a nuu a moʼlə kə nə̀ n way ngəd ə Yeso, n khənu nə̀ ghaa kee khənu nə̀ n loʼ ngəd ə Yeso, n təŋkey, nghee ghaa loʼnə nə kəfə kəmɔʼ ghi Klisto dii bənu nə̀ n loʼ ngəd.

2 Kɔrint 10:15

Ghey ka kɔʼlə dzə wû zə nə kəfwaʼ nə̀ à fwaʼ ghə̂ a nuu ghə. Ghey kee ləmmə kə nə̀ nghee tə bəghəm i fə̀ŋ i ghaa i nyim kɔʼɔ ndownə, luʼu key ghey khə ni fwaʼ kuum tii, kə i ndəŋə dow shiə ndow soʼonu.

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

Kolose 4:17

Dza ndow na tə Achipus nə tə dəm tsu ni mayyə fwaʼ kən Mûkəbii fuu naŋanə tə wi nə tə fwaʼ.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

2 Timoti 2:15

Ndəmi tsu wû wə ni doʼo tə a loʼ wù kəfwaʼ wən Zə̀ kə bəghəm naŋanə, ndzoʼo wù kəfwaʼ wey tə dədlə way n tow kə, wù kəfwaʼ wey tə loʼ soʼonə ni tɔʼ tiilə dza tûm zən i loʼnə isəŋə.

Jems 3:1

Waazə ghə, kə ndəm ə ghaa nə mbuŋŋənə ni doʼo ghə̂ a dii ghə, n dzəŋi kə dzûmə tə Klisto, n təŋkey, ghaa khənu nə Zə̀ kə i saʼa ghey ghən ghey diinə tsəghəshi ghə̂ a loʼ ghən.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

2 Pita 3:15

Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.

Chi dii 21:19

Ghə â lab tən kə tay a tsə kə ndaw kə mbàa naʼ i tii zə n lii tə ntay mən n dzəm, ngii kwɔɔnə wən zə. Ghə â lab tsu tay i tsə kə ndaw i sə isə zey ghi tay mən ghə tɔŋŋə nə̀ à loʼ jaspa, kə key nə ulii ubəghə, ghə n lab tsu n tay mən ghə tɔŋŋə nə̀ à loʼ safi, kə key nə ulii utəghə, ghə n lab tsu n tay mən ghə tɔŋŋə nə̀ à loʼ agate, kə key nə ulii ukaykə, ghə n lab tsu n tay mən ghə tɔŋŋə nə̀ à loʼ emera.