1 Kɔrint 2:7 - Kaa n Kəzə̀ n fəghə mə

⁷ Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

1 Kɔrint 2:7 Mawu Ofanana

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 13:35

À wən â loʼ ni luulə ghəə ghey tûm tə Kəzə̀ tə â dza naŋanə nə̀, “N nə ghəə ghə tə̀ ghə khəə kə n ghɔɔmə i fənkəfən N nə dza ndow ghə n ghəə ghə Nə ghə ka kam zow koʼ tsə tə̀ mbi â nə kaʼnə.”

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

1 Kɔrint 2:1

Waazə ghə, nghee tə̀ mə â bənə n səə ghaa ni bə naʼa ghəə a səŋi ghən a nyi doʼonə bòʼ Kəzə̀, mə â ka nəəbə dzə ghaa nə kənyim nkee n tɔb u nii wə.

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Hibru 11:3

À loʼ bəghəm i fə̀ŋ zən saa khənə n kow Zə̀ kə, i ghəŋənə nə̀ saa zowkeeli nə̀ Zə̀ kə â maŋ dza tsu kə nə̀ mbi doʼo bə, mbi n doʼo bə. À wey loʼ ghə i tii zə Zə̀ kə â neynə fə wən saa koʼo way ni ghəŋə fə wən saa koʼonə.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

2 Pita 1:3

Zə̀ kə n fuu saa n fə wən udzəm saa khə ni keeli n daʼa key tə khənə ni muu muu zey Zə̀ kə ləghənə. Tə fuu saa n fə u tii wə n təŋkey saa khənu wi. À tɔŋɔ soʼo wi saa nə̀ saa keeli soʼo kɔʼlə mey tə khənə, saa i zow soʼo kədzuŋ tə a loʼ wi.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.