1 Kɔrint 2:5 - Kaa n Kəzə̀ n fəghə mə

⁵ Mə â ghəŋə sey nə̀ kə ghaa nə gaʼanə bəghəm i fə̀ŋ i ghaa zə n tɔb u wù sɔŋtsuʼ, â loʼ ni ghəŋə nə̀ ghaa fəd zoʼo doʼo ndow n daʼa key Zə̀ kə fuunə.

1 Kɔrint 2:5 Mawu Ofanana

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

1 Kɔrint 1:17

Klisto â ka tûm bə dzə mə nə̀ n bə, mə i fuu mmuu n Kəzə̀ mə. Tə â tûm bə mə nə̀ n bə naʼa tûm i dzuŋu zə. Tə â tûm bə mə nə̀ n bə naʼa tûm i dzuŋu zə nə̀ a way dzə n tɔb u wù sɔŋtsuʼ nsə n dzə̀ ə wù sɔŋtsuʼ, sey nə̀ kə̂ və zən Klisto â kpuunə n zat kə fəkaʼ nə doʼlənə kənunu.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

2 Kɔrint 12:9

Tə n fəd dza tə̀ mə nə̀, “Ndzuŋ zuŋ kpiinu tə̀ wɔ, n təŋkey, nəŋə zey wə laynə tii, à wey loʼ nəŋə zey daʼa kuŋ kə dzɔbənə n kow wɔ.” Sey, mə i baa ghaŋŋə tsəghəshiə uwû nya nə̀ n tsəŋə way n ghəə ghey a ghəŋŋənə nə̀ mə i lay, sey nə̀ daʼa kə Klisto kə i loʼ n kow mə.

2 Kɔrint 4:7

Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

2 Kɔrint 6:7

Ghey dza isəŋə nəŋə tədzəm, Zə̀ kə u fuu soʼonə ghey n daʼa kə ni ghəŋŋə ghəə ghey a kpiinə. Ghəə a dzuŋu ghən ghey ghəŋŋənə loʼ tə̀ a loʼ fə u tsam u ghey n kpii kə zə̂ə kə nsə n kpii kə kwɔɔ kə.