1 Kɔrint 2:14 - Kaa n Kəzə̀ n fəghə mə

¹⁴ Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 2:14 Mawu Ofanana

Matyo 16:23

Yeso n khə̂mə tsəghə bə, dza tə̀ Pita nə̀, “Nuu n baa mə, Satan! Wə təʼlə maʼa mə n təŋkey, wə moʼlə dzə way ghəə ghey Zə̀ kə moʼlənə, wə fədlə moʼlə ndòw kə ghəə ghey wù sɔŋtsuʼ moʼlənə.”

Tùm i dzuŋu zə kuum Yeso Klisto tə Jɔn â tɔɔnə 10:20

Ndəmə ghə n dza, “Zay kə bəbə kə loʼ n kow wù wən, tow kə kpiilə way, a loʼ kee ghaa zəllə zeelinə ghɔɔmə i wi zə ə?”

Tùm i dzuŋu zə kuum Yeso Klisto tə Jɔn â tɔɔnə 12:37

Nghee tə Yeso â tsəm dii kə ndəmə ghəə a faalə ghə n sə kə ghə̂ a Təjuu, ghə n nam tuu ni bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 14:17

Wù wən n dzanə loʼ Zay kə Zow kə. A loʼ wi tə i bə chiə diinə isəŋə kùm Kəzə̀. Ghə̂ a mbi a way dzə ni kpiney wi, n təŋkey, ghə khə way wi, ghə koʼo keeli soʼo way wi. Abə ghaa, ghaa khənu wi, n təŋkey, tə loʼ ghi ghaa, tə i muulə soʼo n fə̀ŋ tə ghaa.

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Tùm i dzuŋu zə kuum Yeso Klisto tə Jɔn â tɔɔnə 8:43

A loʼ kee ghaa zowkeeli way ghəə ghey n dzanə ə? A loʼ n təŋkey, ghaa ləghə way ni zow ghɔɔmə zuŋ.

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:32

Ambə ghə zow tsu Pɔl mɔm tsu buʼ kə zhəm dzəŋŋə kə nə ivə, ghə̂ a loʼ ghə n kaʼ ndow wi nə u sɔʼlə wə, a loʼ ghə n kee dza nə̀, “Ghey ləghə nə̀ wə i bə dzəŋŋə, wə faalə dza kpiʼi bə i zən tə ghey.”

Kəfwaʼ 18:15

A fa fəd loʼ nə̀ ghaa maŋa baŋŋə təfəghəm nə aghəə, azəd, nsə laŋ u ghaa wə. Ghaa khə ni teeli bayyə ghəə ghən n wû i ghaa. N tuunu ni saʼ ndzoʼo ghəə ghən.”

Kəfwaʼ 25:19

Ghə n fədlə baŋŋə təfəghəm kuum ghəə a Kəzə̀ a ghə nsə kuum Yeso u loʼ wə nə tə mâ kpu ghi Pɔl tə â təmi taw kɔʼnə dza nə̀ wù tii loʼ utaw.

1 Kɔrint 1:18

Tûm zən bòʼ və i Yeso Klisto n zat kə fəkaʼ loʼ ilaʼlə tə̀ ghə̂ ghey ghə laʼa nay ndòwnə. A kee bə tə̀ ghey ghən ghey keelinə bəghəshi zə n wɔ Klisto, tûm ə tii dii bə daʼa K-a-zə̀.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 1:23

A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 1:25

Ghəə ghən Zə̀ kə ghəŋŋənə, ghə̂ a moʼlənə nə̀ a loʼ ilaʼlə, a khə utɔb tsəghəshi tɔb u wù sɔŋtsuʼ. Ghəə ghən Zə̀ kə ghəŋŋənə, ghə̂ a koʼo soʼonə nə̀ a loʼ ghəə a lay ghə, a khə kədaʼa tsəghəshi daʼa kə wù sɔŋtsuʼ.

1 Kɔrint 15:44

Abə ghə tsəllə ndownə wù sɔŋtsuʼ, à loʼ vən i wi ghə tsəllə ndownə, abə Zə̀ kə i kee zhəm nuu dzəŋŋə bənə ghə̂ ghə nə ivə, ghə i keeli wû i fəghə zə nə̀ a fuu Zay kə Zow kə. Nghee i loʼ nə̀ vən fə uwû fə wù sɔŋtsuʼ fə loʼnu, i sey dii nə̀ wû wən Zay kə Zow kə fuunə khə ni teeli loʼ soʼo.

1 Kɔrint 15:46

I sey dii nə̀ wû wən zay kə fuunə â ka bə dzə isə, â fəd bə wû u wù sɔŋtsuʼ isə, wû wey Zay kə Zow kə fuunə, wə a sə bəghənə ibam.

1 Kɔrint 2:12

À kee loʼ nə̀ ghey khənu nə̀ naamə udzəm u nuu bə n wɔ Zə̀ kə, n təŋkey, Zə̀ kə ka fuu dzə ghey n zay kə wù wey tə muunə fa n mbi, tə fəd fuu ghey n Zay kə wi kə.

1 Kɔrint 3:1

Waazə ghə, mə â way dzə ni ghɔɔmə tə̀ ghaa tə̀ n ghɔɔmənə tə̀ ghə̂ ghey Zay kə Zow kə loʼnə n kow ghə. Mə â fəd khə ni ghɔɔmə tə̀ ghaa tə̀ a loʼ ghə̂ ghey ghə nam loʼnə n muu i mbi zən, loʼ soʼo tə à loʼ aghinətəghə n bəghəm i fə̀ŋ i ghə n kow Klisto.

Jems 3:15

Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

1 Jɔn 2:20

Abə ghaa, ghaa way dzə tə a loʼ ghə bòʼ nə̀ Klisto n tsoʼlə ghaa n mbvə mən n nuu bənə n wɔ Zay kə Zow kə, kə u ghəŋŋə nə̀ ghaa adzəm, ghaa keeli isəŋə.

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Màʼlə kə Jud tə̀ ghə̂ a Kəzə̀ ghə 1:19

À wən loʼ ghə̂ ghey ghə ghəŋŋənə nə̀ ghə̂ ghə i dzawwə doʼlə kaabə tsə. Ndzoʼo ghə̂ ghən naŋa tən kə fə̀ŋ tə ghə n fə u mbi, Zay K-a-zə̀ kə a way soʼo n kow ghə.