1 Kɔrint 2:10 - Kaa n Kəzə̀ n fəghə mə

¹⁰ Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

1 Kɔrint 2:10 Mawu Ofanana

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Lukas 10:21

N nəŋə i tii zə, Zay kə Zow kə n ghəŋə nə̀ Yeso ngii keeli iduʼlə. Kə n ghəŋə nə̀ Yeso dza tsu nə̀, “N fuu kəzɔŋŋə tə wɔ a Bày, wə loʼ Mûkəbii idəŋ nsə n ghəlikətsə, wə nyi naŋa ghəə ghən tə̀ ghə̂ a tɔbə ghə nsə ghə̂ ghə umaʼlə ghə, kee dii fu tsu tə̀ ghinətəghə ghə. Â sey loʼ nghee wə a ləghənə nə̀ ghəə ghə a doʼo tii, a Bày.”

Lukas 2:26

Zay kə Zow kə mâ dii tə̀ wi nə̀, tə nə̂ kpu way nə̀ tə ka koʼ Klisto wey Bày Tsuʼ naŋanə.

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

1 Kɔrint 14:30

Abə Zə̀ kə kee chi dii bənə ghə i loʼ zə tə̀ wù loʼ tə doʼnə nə̀ wù loʼ mə ghɔɔmənu, wù wey tə mə ghɔɔmənə, khə ni buu doʼo tsu ni ghɔɔmə.

1 Kɔrint 2:11

Nghee tə̀ i loʼ nə̀ wù loʼ way dzə tə loʼ ni keeli fə̂ key wù moʼlənə n fə̀ŋ ə wi, a may kə zay kə wù tii, n jìi i mɔʼɔ zə, wù loʼ way dzə tə khənə ghəə zey Zə̀ kə moʼlənə n fə̀ŋ ə wi, à may kə Zay K-a-zə̀.

Galeshia 1:12

À way dzə wù sɔŋtsuʼ tə â fu nə tûm zən tə mə, a way soʼo wù sɔŋtsuʼ tə zoʼlənə mə tii. À loʼ Yeso Klisto, tə chi dii bənə ghəə ghən tə mə.

Efesus 3:3

Zə̀ kə a chi dii ghəə a wi ghey tə â nyì naŋanə tə̀ mə, tə̀ n nyaʼi tɔ̀ɔ tsəələ tsunə fa.

Efesus 3:5

N tsuʼu n sə̂ i sə mə, Zə̀ kə â ka chi dii ghəə a tii ghə tə̀ ghə̂ ghə. Zə̀ kə chi dii bə ghəə a tii ghə nyisa n daʼa kə Zay kə Zow kə tə̀ tûm tə Kəzə̀ tə nsə ngəd tə Yeso tə zow tə.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Jɔn 2:20

Abə ghaa, ghaa way dzə tə a loʼ ghə bòʼ nə̀ Klisto n tsoʼlə ghaa n mbvə mən n nuu bənə n wɔ Zay kə Zow kə, kə u ghəŋŋə nə̀ ghaa adzəm, ghaa keeli isəŋə.

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 2:24

Sey, n dzaa bə tə ghaa a loʼ ghey n Tyatira, tɔŋŋə ghaa ghən ghaa ka koʼ ney ghəə a bəbə a wi ghən tə diinə nsə ghəə ghə tɔŋŋə nə̀ à loʼ ghəə a Satan a nyiə doʼo ghə nə̀ kəm kuu kpiʼi dzə way fəm kə loʼ kə n kow ghaa.