1 Kɔrint 16:8 - Kaa n Kəzə̀ n fəghə mə

⁸ À kee loʼ nə̀ n doʼlə kəŋŋə ndow dzə fa n Efesus, zə̂ kə Pentikɔs kə tsəghə kɔʼ dzə.

1 Kɔrint 16:8 Mawu Ofanana

Kəfwaʼ 18:19

Nghee ghə nyi bənə n naʼ i Efesus, Pɔl n naŋa taʼa tsu Prisila nsə Akwila fu, kee ndow n ndaw kədzəŋi ghə̂ a Təjuu n nəŋə wi, ghɔɔmə fu ghi ghə̂ a Təjuu ghə.

Kəfwaʼ 18:21

A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Kəfwaʼ 2:1

Ambə tsuʼ fə Pentikɔs fə bənə, dzûmə tə Klisto tədzəm tə n dzəŋi loʼ nə kəluʼu kəmɔʼ.

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”