1 Kɔrint 16:2 - Kaa n Kəzə̀ n fəghə mə

² N tsuʼu mə inaʼ mə nkala, kay wù khə ni ney naŋŋə kɔʼɔ bəghə fə fəghə fə n khəə wey tə keelinə nə iwən, tə n nyì naŋa ndow, sey nə̀, abə mə i bənə, ghaa i ka kəm fəmmə wû i ghaa ni zuŋŋə khəə u tii wə.

1 Kɔrint 16:2 Mawu Ofanana

Malakus 14:8

Tə sa ghəŋə ghəə ghey tə loʼnə ni ghəŋə, tə feeli tsu mbvə n ləmmə mə n wû wuŋ ni bayyə naŋa tən tsu mə nə̀ nəŋə i tii i ka kam bə, tə̀ tsuʼ fey ghə i tsəllənə mə tii ni bə.

Lukas 16:10

Wù wey tə loʼ nə ni kwu keeli dzɔb nyaŋi fə ufə, sey loʼ soʼonu ni kwu keeli ndəmə ufə. Wù wey tə ghəəbə nə ni kwu keeli nyaŋi fə ufə, sey way ni doʼo tsətsəghə soʼo n ndəmə ufə.

Lukas 24:1

Ambə n dzəmə tsuʼ inaʼ, gheyzən ghey n key kɔʼ utsuʼ, ney kɔʼ mmbvə n ləmmə mey ghə â bayyə naŋa nə̀, ndow n ghii mə n say i Yeso.

Tùm i dzuŋu zə kuum Yeso Klisto tə Jɔn â tɔɔnə 20:19

N nəŋə i fənə zə n tsuʼ inaʼ wə nkala u mɔʼɔ wey, ngəd tə Yeso tə n dzəŋi loʼ n ndaw nə̀ ghə n fii naŋa baʼ wə, n təŋkey ghə â tsəŋə ngəd tə Təjuu. Nghee ghə loʼnə fu, ghə n maŋ fwey Yeso tə teynə n sə kə ghə. Tə n dza tə̀ ghə nə̀, “Buulə zə loʼ ghi ghaa.”

Tùm i dzuŋu zə kuum Yeso Klisto tə Jɔn â tɔɔnə 20:26

Ambə tsuʼu n tsəghə tsu ifam, ngəd tə Yeso tə n loʼ kpiʼi n ndaw, Tɔmɔs n loʼ ghi ghə. À n loʼ nə̀ baʼ u fii doʼonu, ghə n taa fəmi kɔʼ Yeso nə̀ tə tey n səə ghə, tə n dza tə̀ ghə nə̀, “Buulə zə i loʼ ghi ghaa.”

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

2 Kɔrint 8:10

Sey, tsə zuŋ tə̀ ghaa n ghəə zən i loʼ nə̀, à wən loʼ bùʼ kə ghaa ni mayyə fwaʼ key ghaa â zey naŋanə nə kənum. Â loʼ ghaa ghə̂ a sə̂ i sə ghə ni keeli zày ni fuu, â loʼ soʼo ghaa ghə̂ sə isə ghə ni zey ni tsowwə.

Chi dii 1:10

A n bə n tsuʼ inaʼ wə nkala u loʼ wə, Zay kə Zow kə nyi bə n kow mə, mə n zow ndow dzə i taw i loʼ zə i fuŋunə n baa mə tə aloʼ isɔŋ ghə tɔŋɔnə.