1 Kɔrint 14:3 - Kaa n Kəzə̀ n fəghə mə

³ Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

1 Kɔrint 14:3 Mawu Ofanana

Lukas 3:18

Sey, Jɔn n tsə̀ə ndòw ghə n ndəmə tə təjìi, naʼlə tûm i dzuŋu zə tə̀ ghə.

Kəfwaʼ 13:15

Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 15:2

Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

1 Kɔrint 10:23

Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀ a way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ saa ka ghəŋə ghəə zey saa ləghənə ni ghəŋə.” À kee loʼ nə̀ à way dzə aghəə adzəm a gaamənə ghaa ni bəghə muu i ghaa.

1 Kɔrint 14:12

Nghee ghaa ngii ləghənə ni keeli naamə wən Zay kə Zow kə fuunə, ngii kuu tsu na səŋ zə ni keeli naamə wən ubəghə kɔʼɔ bənə dzəŋi kə dzûmə tə Klisto tə.

1 Kɔrint 14:17

N sey bəbə n təŋkey, wə loʼ ni loʼ nə̀ wə ndzəmə fuu nkɔʼlə tə̀ Zə̀ kə, à kee loʼ nə̀ gɔŋŋə zə i ka bəghə dzə bəghəm i fə̀ŋ i wù loʼ wey.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 14:31

I loʼ nə̀ ghaa khə ni fuu tsuu bùʼ kə tə̀ ghə̂ ghey ghə naʼlənə tûm Kəzə̀ nə̀ ghə i nuulə naʼlə umɔʼ umɔʼ ni ghəŋə nə̀ ghə̂ a zoʼlə kɔʼ ghəə a tii ghə nsə ni kuu fə̀ŋ tə ghə.

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

2 Kɔrint 1:4

Tə tsəmmə saa n chɔd n saa ndzəm, sey nə̀ saa i loʼ soʼo ni tsəmmə ghə̂ ghey ghə loʼnə nə uchɔd n jìi zey Zə̀ kə tsəmmənə ghey tii.

2 Kɔrint 2:7

A nya kpii ni neyzəə wi, ghaa tsəmmə tsu wi, sey nə̀ kə̂ tə nə kəm ngii mow tsəghəshiənə, tə bwu n bəghəm i fə̀ŋ i wi.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 6:22

À wey loʼ zuŋ key n tûm bənə wi n səə ghaa nə̀ ghaa keeli tsu nghee ghey muunə tii nsə nə̀ tə kuu bə soʼo fə̀ŋ tə ghaa.

Kolose 4:8

Zuŋ key n tûm bənə wi tə ghaa loʼ nə tə bə kuu bə fə̀ŋ tə ghaa n fwaʼ kə ghaa, tə tiilə dza bə soʼo tə ghaa nghee ghey loʼnə fa tii.

1 Tesalonika 2:11

Ghaa khənu nə̀ ghey muu ghi ghaa tə̀ bày waa nə̂ muunə ghi waa a wi ghə.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 4:18

Nghee tə̀ i loʼnə sey, ghaa khə ni kuu tiilə fə̀ŋ tə ghaa tə n ghɔɔmə zən.

2 Tesalonika 3:12

N zəd i Mûkəbii Yeso Klisto ghey dza bə tə̀ ghə̂ ghən kpaa tənə bə ghə nə̀ ghə zuŋ tsu iwû, ghə i fwaʼa ndow ni keeli fə̂ kə zəə kə.

1 Timoti 1:4

Dza ndow tə ghə nə̀ ghə buu naŋa ni taŋŋə kaabə zəzəə n wey mey tɔb u loʼ u way tii nsə ni taŋŋə zəd a ghə bày bày a ghə ghə. Ghəə a tii a ghəŋŋənu ghə n maŋa fəə adzuu nə kənunu. Ghəə a tii a gaamə way wù nə̀ tə fwaʼ fwaʼ K-a-zə̀, loʼ sey nə̀ a loʼ kə wù wey tə bəghəmnə tə̀ Zə̀ kə, tə loʼnə ni fwaʼ fwaʼ kə tii kə.

1 Timoti 4:13

Ni ney nuu tsu nya, ndow kuum n nəŋə zey mə i bəghənə tii, wə khə ni tɔŋɔ màʼlə K-a-zə̀ kə tə ghə̂ ghə, naʼlə ndow ghɔɔmə i Kəzə̀ tə ghə, dii soʼo aghə̂ nghee ghə khə ni muu tii.

1 Timoti 6:2

Kɔd wey ghə mûkəbii a ghə a loʼ nə̀ ghə n bəghəm fuu tə Klisto, khə way ni tsayyə ghə mûkəbii a ghə ghə a dza ghə bəghəm fuu tə Klisto tə a loʼ ghə. Ghə fəd khə ni ngii fwaʼa dzɔbə n təŋkey, ghə fwaʼa n tənə ghə̂ ghey ghə bəghəm fuunə tə Zə̀ kə tə a loʼ ghə, ghə a khə soʼo ləghə zə n kow ghə mûkəbii a ghə ghə. Wə khə ni teeli fuu ndow laŋ wən udzəm n dii kɔʼ bənə tə wɔ tə dzûmə tə Klisto tə, wə ghəŋə soʼo nə̀ ghə i dzûmə kɔʼɔ bə laŋ u tii wə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 1:9

Tə khə ni loʼ wù tə ndzəm bəghəmnə naŋanə tûm i dzuŋu zə bòʼ Yeso Klisto ighələ tə̀ tə â zoʼlə neynə, sey nə̀, tə i loʼ ni kuu nduŋŋə ndow fə̀ŋ tə ghə̂ a loʼ ghə nə̀ isəŋə i tii zə, tə i loʼ soʼo ni faalə tiilə ndow aghəə tə̀ ghə̂ ghey ghə tuu maʼanə tûm i dzuŋu i tii zə.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Taytus 2:6

N jìi i mɔʼɔ zə, wə khə ni kuu ndow soʼo fə̀ŋ tə waa a fəghaŋ a num ghə nə̀ ghə i kwɔɔ tsu wû zə nə aghəə adzəm.

Taytus 2:9

Abə ghə̂ ghey ghə loʼnə kɔd wə, wə khə ni ghəŋə nə̀ ghə i zow tə ghə mûkəbii a ghə ghə, ghə ghəŋə soʼo nə̀ ghə mûkəbii a tii ghə i duʼlə nə aghəə adzəm. Kə ghə nə ghɔɔmə dzəŋŋə soʼonə n dzə̀ tə bəbə tə tə̀ ghə.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

Hibru 3:13

I fədlə gaamə tiilə ndow na wû i ghaa zə tsuʼu n dzəm, nghee ghə tɔŋɔ tsu dzə tsuʼ fə tii nə̀, “Na!” Sey nə̀, kə bəb zə i nəb fuu ghaa, ghaa taw doʼo ndow tii.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

Màʼlə kə Jud tə̀ ghə̂ a Kəzə̀ ghə 1:20

Abə ghaa a waazə ghuŋ a dzuŋu ghə, ghaa dəm tsu kə ni bəghə kɔʼ bə bəghəm i fə̀ŋ i ghaa. I gɔŋŋə na n daʼa key Zay kə Zow kə fuunə tə ghaa.