1 Kɔrint 14:2 - Kaa n Kəzə̀ n fəghə mə

² N sey dza n təŋkey, wù wey tə ndzəmə ghɔɔmənə lii tə təghɔɔmə, ghɔɔmə dzə way tə̀ ghə̂ ghə, tə ghɔɔmə tə Zə̀ kə. Ghə̂ a zowkeeli dzə way ghəə ghey tə dzanə n təŋkey, tə ghɔɔmə ghəə ghey a nyi doʼonə nghee tə̀ Zay kə Zow kə diinə tə̀ wi.

1 Kɔrint 14:2 Mawu Ofanana

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Malakus 4:11

Yeso n beeli ndòw ghə nə̀, “Zə̀ kə n ghəŋə nə̀ ghaa keeli sad i fɔɔ u Kəzə̀, a sə bə ghə̂ a loʼ ghey ghə way n fɔɔ u tii wə, n dii kə ghə n ghəə ghə n ghɔɔmə i fənkəfən. I loʼ sey n təŋkey i tɔ̀ɔ doʼo n maʼlə kə tûm Kəzə̀ Ayzaya nə̀,

Kəfwaʼ 10:46

N təŋkey ghə â zow ghə, ghə ghɔɔmənə lii tə təghɔɔmə tə, fuu ukali tə Zə̀ kə. Pita n daŋŋə ghɔɔmə shi kɔʼ nə̀,

Kəfwaʼ 19:6

Ambə Pɔl gaʼ tsu wɔɔ a wi ghə n tow u ghə, Zay kə Zow kə n daŋŋə nyi tsu n kow ghə. Ghə sey daŋŋə zeynu ni ghɔɔmə n ghɔɔmə tə naʼa tə nuu tə, dza ndow soʼo ghəə ghey a nuu bənə n wɔ Zə̀ kə.

Kəfwaʼ 22:9

Ghə̂ ghey mə â loʼ dzəŋi ghi ghə adzəm n koʼ daa kə tii kə, ghə n ka kee zow dzə̀ zey i ghɔɔmə bənə tə mə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 13:1

Abə n loʼ ni ghɔɔmə, ghɔɔmə tə naʼa tən fa mbi tədzəm nkee ghɔɔmə tən tsətəndəghə tə Kəzə̀ tə ghɔɔmənə, kee dii way ləghə zə tə̀ ghə̂ ghə, n sey maŋ loʼ tə à loʼ fəngəghəm fə fuŋunə kənunu nkee tə̀ a loʼ mbəŋŋə i fuŋunə kənunu.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 14:16

Ney kɔʼ na nə̀ abə wə gɔŋŋənə n ghɔɔmə zey Zay kə Zow kə fuunə, nə̀ wù loʼ loʼ fu nə̀ tə zowkeeli way ghəə zey wə dzanə, tə i loʼ ngee ni bəghəm dzəŋi ghi wɔ nə̀, “Zə i loʼ sey” n kali wey u fuunə tə Zə̀ kə, loʼ sey nə̀ tə zowkeeli way ghəə zey wə dzanə ə?

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 15:51

Koʼo n na! N dza n chi dii bə ghaa nə̀ isəŋə i loʼ zə, zə â nyi doʼonə. I loʼ nə̀, à way dzə saa ghən adzəm saa loʼnə dzûmə tə Klisto tə, saa i kpuunə, Zə̀ kə nə kee maŋa nuu kwey kɔʼɔ kə wû i saa.

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

Efesus 6:19

Ghaa i gɔŋŋə soʼo tə̀ mə, nə̀ Zə̀ kə fuu mə n ghəə zey n khə ni dza, abə buʼ kə shinə tə̀ mə ni ghɔɔmə, sey nə̀ mə i loʼ ni chi dii ghəə ghən a nyi doʼonə n tûm i dzuŋu zə n fə̀ŋ idzəm nə̀ n khə way tsəŋ i loʼ zə.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 3:9

Ghə khə ni teeli khə fə̀ŋ tə zow tə tə̀ ghə naŋŋə kɔʼɔ bənə isəŋə zən Zə̀ kə â chi dii bənə tə ghə bòʼ bəghəm i fə̀ŋ.

Chi dii 10:7

Abə tsəndəghə zey nə ulii usəghəmbəghə i kee tɔŋ tsu sɔŋ i wi zə, ghəə ghey Zə̀ kə â nyi naŋa i daŋŋə ney kəbənə n nghee tə̀ â naʼa naŋanə tə̀ ghə̂ a kəfwaʼ a wi ghə tɔŋŋə tûm tə Kəzə̀.