1 Kɔrint 14:1 - Kaa n Kəzə̀ n fəghə mə

¹ Waazə ghə, ghaa khə ni dii ləghə zə tə̀ ghə̂ ghə. Kuu tsu na səŋ zə ni keeli naamə wən Zay kə Zow kə fuunə. N ləghə nə̀ ghaa ndəŋ kuu tsu isəŋ ni ghəŋə nə̀ Zay kə Zow kə fuu ghaa n naamə kə ni naʼlə tûm Kəzə̀.

1 Kɔrint 14:1 Mawu Ofanana

Roma 12:6

I loʼ nə̀, nghee tə̀ Zə̀ kə khənə fə̀ŋ i dzuŋu zə, tə n fuu kay wù saa n naamə kə wi kə n nəŋ. Abə à loʼ nə̀ Zə̀ kə naamə wɔ n naamə kə ni naʼlə tûm Kəzə̀, wə khə ni teeli naʼlə ndow sey tə̀ Zə̀ kə fuunə wɔ n bəghəm i fə̀ŋ zə.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

1 Kɔrint 12:1

Waazə ghuŋ ghə, n dza n ghɔɔmə bə tə̀ ghaa nyisa n ghəə ghey ghaa â bəb bənə tə̀ mə kuum naamə wən Zay kə Zow kə fuunə tə̀ ghə̂ ghə. N ləghə nə̀ ghaa tɔʼ keeli tsu isəŋə n ghə i zən.

1 Kɔrint 12:31

I kee loʼ nə̀, n ləghə nə̀ ghaa kuu tsu isəŋ ni keeli naamə wən u loʼ ni gaamə ndəmə aghə̂. N dza n dii bə tə̀ ghaa jìi zey i tɔʼ kpiinə tə̀ ghaa ni muu tii.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 14:22

Ni ghɔɔmə n lii tə təghɔɔmə loʼ tsəə tə̀ ghə̂ ghən ghə ka kam bəghəm tə̀ Klisto à way dzə tə̀ ghə̂ ghən ghə bəghəmnə tə̀ Klisto. Ni naʼa tûm Kəzə̀ fəd loʼ tsəə tə̀ ghə̂ ghən ghə bəghəmnə tə̀ Zə̀ kə, a kee way dzə tə̀ ghə̂ ghən ghə ka kam bəghəm tə̀ Zə̀ kə.

1 Kɔrint 14:37

Wù wey tə moʼlənə nə̀ i loʼ wù tûm Kəzə̀ nkee ghəə ghey tə ghəŋŋənə, a fuu Zay kə Zow kə wi n daʼa kə tii kə, wù tii khə ni keeli tsu nə̀, ghəə ghən n dza bənə fa, à loʼ Mûkəbii n wû u wi wə, tə tsəʼlə bənə laŋ kə tii kə.

1 Kɔrint 14:39

Sey, waazə ghə, keeli tsu na zay ni naʼa tûm zey Zə̀ kə fuu bənə tə̀ ghaa, kə ghaa nə kii naŋŋə soʼonə ghə̂ ghə nə̀ kə ghə nə ghɔɔmənə n ghɔɔmə tə naʼa tə nuu tə.

1 Kɔrint 16:14

Ghəə ghey ghaa ghəŋŋənə adzəm, ghaa khə ni ghəŋŋə ndow kə nə iləghə.

Efesus 1:3

Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

1 Tesalonika 5:20

I kə ghaa nə kii maʼanə ghɔɔmə zey i loʼ nə̀ a chi dii bə Kəzə̀ tə wù loʼ.

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 6:11

A kee bə wɔ a Timoti, wə loʼ wù wən wə bəghəm fuunə tə Zə̀ kə, kə wə nə bəghəm naŋŋə ndzoʼo ghəə a bəbə ghən. I fədlə dzûmə ndow muu zən i loʼnə tsətsəghə, fwaʼa ndow fwaʼ key Zə̀ kə ləghənə, fə̀ŋ zə i loʼ tən kə n kow Zə̀ kə, wə i ləghə ghə̂ ghə adzəm, kow fə̀ŋ nə aghəə adzəm, wə keeli tsu soʼo zuŋ kə umwam.

2 Timoti 2:22

Kə wə nə dzûmənə ghəə ghən waa a fəghaŋ a ləghənə ni ghəŋŋə, i fədlə dəmə ndow kə ni ghəŋŋə ghəə ghən a loʼnə tsətsəghə, khə bəghəm i fə̀ŋ n kow Klisto, ləghə aghə̂, muu soʼo nə ibuulə. I ghəŋŋə ndow ghəə ghən ghi ghə̂ ghey ghə ndzəm dey dza ndow ghəə a ghə ghə tə Mûkəbii n fə̀ŋ tə zow tə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

2 Pita 1:7

Nghee ghaa ghəŋŋə kə ghəə ghey Zə̀ kə ləghənə, ghaa khə soʼo ni ləghə ndow waazu ghə. Nghee ghaa ləghənə waazu ghə, ghaa khə ni ləghə ndow soʼo ghə̂ ghə adzəm.

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.