1 Kɔrint 13:5 - Kaa n Kəzə̀ n fəghə mə

⁵ Ləghə i ghəŋŋə way nə̀ wù i tsayyə ghə̂ a loʼ ghə. I ghəŋŋə way nə̀ wù i dey tənə kə sə̂ fə wi fə. I ghəŋŋə way nə̀ wù i zaŋŋə fəələ n nəghə wə. I ghəŋŋə way nə̀ wù i kwɔɔ naŋŋə wù n fə̀ŋ ə wi.

1 Kɔrint 13:5 Mawu Ofanana

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Matyo 9:4

Yeso n kee loʼ nə tə n keeli zey moʼlə tə ghə tə, tə n dza tə̀ ghə nə̀, “Ghaa ney naŋa ndzoʼo ghəə a bəbə ghey n fə̀ŋ tə ghaa bòʼ kee?

Malakus 3:5

Tə n laalə tsəghə ndòw ghə n nəghə u fəə wə, fəd khə imôw n fə̀ŋ boʼ ghə, n təŋkey, ghə â ngii taw n tow kə. Tə n dza ndòw tə̀ wù wey nə̀, “naalə shi ndòw wɔɔ kə kə̀.” Wù tii n naalə shi i ndòw, wɔɔ kə wi kə n daŋŋə taw doʼo dzəŋŋə i bə.

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

1 Kɔrint 10:24

Kə̂ wə nə ghəŋŋənə ghəə ghə nə̀ wə laalə tsu kə i zey i dzɔbənə tə̀ wɔ, i laalə ndow soʼo a ghey a dzɔbə soʼonə tə̀ ghə̂ a loʼ ghə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 11:18

Ghə i sə̂ i sə i loʼ nə̀, n zow nə̀ abə ghaa dzəŋi bənə tə̀ à loʼ dzûmə tə Klisto, ghaa n way dzə n dzə̀ imɔʼ. Ghəə a tii ghə u loʼ tə̀ mə i bəghəm nə̀ a loʼ isəŋə.

1 Kɔrint 12:25

Zə̀ kə sey ghəŋə naŋa nə̀ kə ghə nə dzawwə doʼonə n wû i ghə, ghə i fədlə gaamə tiilə wû i ghə zə.

1 Kɔrint 7:36

Abə wù koʼ tsunə nə̀ tə ghəŋŋə dzɔbə way tə̀ weyzən wey tə nyi naŋanə, way ni kwu keeli wû u wi, tə u way soʼo ni doʼo nə̀ tə ka ney wey, tə n baa ney ndow kə wey, a way dzə ghə i bəbə zə.

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Filipi 2:21

Ghə̂ a loʼ ghey adzəm, kay wù laalə tsu kə ghəə a wi, laalə way ghəə a Yeso Klisto ghə.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

2 Tesalonika 3:7

N dza sey n təŋkey, ghaa khənu n wù i ghaa nə̀ ghaa khə ni dzûmə kɔʼɔ bə ghôw kə ibwey kə ghey. Ghey â lay way n muu i ghey n nəŋə zey ghey loʼ ghi ghaa.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.