1 Kɔrint 13:4 - Kaa n Kəzə̀ n fəghə mə

⁴ Ləghə i ghəŋŋə wù nə̀ tə i kow fə̀ŋ, tə i khə soʼo fə̀ŋ i dzuŋu zə. Ləghə i ghəŋŋə dzə way wù nə̀ tə i khə ghoʼ kə. Ləghə i ghəŋŋə dzə way wù nə̀ ghaŋŋə wû wə nkee kɔʼlə kaabə tsə uwû.

1 Kɔrint 13:4 Mawu Ofanana

Matyo 27:18

Tə â sey bəbə n təŋkey, tə â khənu nə̀ ghə̂ a Təjuu ghə â ney bə Yeso n səə wi nə a loʼ kəghoʼ.

Kəfwaʼ 7:9

Waa a num ghən Yakɔb â ji bənə n khə kəghoʼ n kow waazə ə ghə, tɔŋɔ Yosef. Ghə ney fii ndow wi n naʼ zə Ijip tə aloʼ kəkɔd. Zə̀ kə n nam loʼ kə ghi wi,

Roma 1:29

À n fə̀ŋ tə ghə luu doʼo tən kə lii tə aghəə tey tə kpiilə way n sə K-a-zə̀, tə aloʼ ghəə a bəbə, umə̂, mwam u bəbə wə. Ghəə ghey a kpiilə way tə aloʼ kəghoʼ, ni wey wù, ni tsowwə ghɔɔmə, ni nəbə ghə̂ ghə, khə fənyiʼi n kow ghə̂ ghə, khəə kaabə soʼo təfəghəm.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 4:6

Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

Galeshia 5:26

Kə saa nə kɔʼlənə wû zə, kə saa nə kɔʼlənə wû i saa zə, kə saa nə ghoʼo soʼo nə wû i saa zə.

Efesus 4:2

Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Efesus 4:32

Ghaa fəd khə ni ghəŋŋə ndzuŋ n wû i ghaa, buulə ghəŋŋə aghəə, neyzəə tûmmə iwû, ighələ tə̀ Zə̀ kə neyzəənə bəb i ghaa zə n bam i Klisto.

Filipi 1:15

Ghə̂ a loʼ a naʼlə tûm ə Klisto bòʼ təŋkey ghə khə kəghoʼ, ləghə ni baŋŋə fəghəm tə. Ghə̂ a loʼ ghə a kee ndzəmə naʼlə tûm ə Klisto n fə̀ŋ i dzuŋu zə.

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

1 Timoti 6:4

ndzoʼo wù tii maŋa ghaŋŋə uwû nə kənunu loʼ sey nə̀ tə zowkeeli way ghə i loʼ zə. Chɔt u wù tii u loʼ kə ni soʼo kaabə tsə ghɔɔmə zə, ghəŋŋə soʼo nə̀ ghə̂ ghə i fəə kaabə dzuu ghə. Ghəə ghən ghəŋŋənu ghə n kpaalə iwû n jìi zey ghə zèy daŋŋə ndow ni ghoʼo wû zə, ghəə a kəndəm, bii iwû nə təghɔɔmə nsə moʼlə tə bəbə tə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.

2 Pita 1:7

Nghee ghaa ghəŋŋə kə ghəə ghey Zə̀ kə ləghənə, ghaa khə soʼo ni ləghə ndow waazu ghə. Nghee ghaa ləghənə waazu ghə, ghaa khə ni ləghə ndow soʼo ghə̂ ghə adzəm.

1 Jɔn 4:11

Fə̂ ghuŋ a dzuŋu ghə, jìi zey Zə̀ kə â ngii ləghənə saa tii, à loʼ soʼo sey saa ndzəm khə ni ləghə tiillə wû i saa zə.