1 Kɔrint 13:12 - Kaa n Kəzə̀ n fəghə mə

¹² N sey dza n təŋkey, ghəə ghən saa koʼonə nya, saa maŋa koʼo kəzəŋŋə tə wù nə fwɔdlɔnə wû u wi wə nə kəlungali. Abə nəŋə i tii zə i baa kpi tsunə, saa i baa koʼ ndow ghəə a tii ghə n mgbaŋ. Abə Yeso i bə dzəŋŋənə, saa i fwɔdlɔ tûmmə ndow tûm usə wə ghi wi. Ghəə ghən n khənə nya, a maŋ loʼ kəm ukəm, abə Yeso i bə dzəŋŋənə, mə i keeli may ghəə a tii ghə. Isəŋə loʼ nə̀ Zə̀ kə khə aghəə adzəm kuum mə.

1 Kɔrint 13:12 Mawu Ofanana

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 5:8

Buulə i loʼ tə̀ ghə̂ ghey fə̀ŋ tə ghə tə zownə, N təŋkey, ghə nə̂ koʼonu Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 10:15

Nghee tə Bày wuŋ khənə mə, mə u khə soʼonə Bày wuŋ, à loʼ ighələ tə̀ n khənə njì tuŋ tə, njì tuŋ tə u khə soʼonə mə, à wey loʼ ghə i tii zə n loʼnə ni kpu n tow kə njì tuŋ.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

1 Kɔrint 13:11

Nghee mə a loʼnə winətəghə, mə n ghɔɔmə tə̀ a loʼ winətəghə, moʼlə tuŋ tə n loʼ moʼlə tə winətəghə, mə n ghəŋŋə soʼo aghəə tə̀ a loʼ winətəghə. Ambə n nyəm kɔʼnə n wù, mə n zəghə maʼa ndow ghəə ghə a ghinətəghə.

1 Kɔrint 8:3

Wù wey tə kee ləghənə Zə̀ kə, Zə̀ kə khənu wi.

2 Kɔrint 3:18

Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.

2 Kɔrint 5:7

Ghey muu n ghəə ghən ghey bəghəmnə, à way dzə n ghəə ghey ghey koʼonə.

Filipi 3:12

N dza dzə way nə̀ mə n keeli may ghəə a tii ghə nkee nə̀ mə n daŋŋə doʼo tən tsətsəghə. N nam dəmənu ni keeli fə̂ u tii wə, kumnə Yeso Klisto mâ ghəŋə mə nə̀ n doʼo wù wi.

Jems 1:23

Wù wey tə maŋa zəllənə ghɔɔmə i Kəzə̀ nə̀ tə ghəŋŋə ndow way ghəə zey tə zownə, tə loʼ tə a loʼ wù tə nyaŋŋənə tûm usə u wi wə nə kəlungali ni koʼ nghee tə loʼnə tii.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Chi dii 22:4

Ghə nə koʼo tûm usə u wi ghə nə tɔ̀ɔ naŋa tsu soʼo zəd i wi n tûm n təsə n ghə.