1 Kɔrint 13:1 - Kaa n Kəzə̀ n fəghə mə

¹ Abə n loʼ ni ghɔɔmə, ghɔɔmə tə naʼa tən fa mbi tədzəm nkee ghɔɔmə tən tsətəndəghə tə Kəzə̀ tə ghɔɔmənə, kee dii way ləghə zə tə̀ ghə̂ ghə, n sey maŋ loʼ tə à loʼ fəngəghəm fə fuŋunə kənunu nkee tə̀ a loʼ mbəŋŋə i fuŋunə kənunu.

1 Kɔrint 13:1 Mawu Ofanana

Matyo 25:45

Tə i beeli kɔʼ nə̀, ‘N kuum dza bə tə̀ ghaa nə̀, ghəə ghey ghaa â tuunə ni ghəŋə tə̀ waazə wuŋ u ghaa wə, ghaa â sey tuu ni ghəŋə tə̀ mə̀.’

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Roma 14:15

Abə à loʼ nə̀ fə key wə zə̂ənə ghəŋŋə nə̀ dzûmə Klisto u loʼ wə i khə fəmmə kə n fə̀ŋ ə wi, à sey loʼ nə̀ wə dii dzə way ləghə zə tə wi nghee wə nam zə̂ə ndow kə fə kə tii kə. Kə wə nə ghəŋŋə nə̀ fə key wə zə̂ənə, kə bəəbə maʼa wù nə̀ Klisto mâ kpuu n tow kə wi.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 12:16

Nkee abə tuŋŋə kə nuu dza kɔʼ nə̀, “N way dzə zuŋ kə uwû n təŋkey n way dzə isə̂.” I ka dii dzə nə̀ à loʼ isəŋə nə̀ tuŋŋə kə way zuŋ kə uwû.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 13:8

Tûm Kəzə̀ zən ghə̂ naʼlənə nə maynu, lii tə təghɔɔmə tən ghə̂ a ghɔɔmənə nə bə maynu, tɔb wən fa mbi nə may tsəghə soʼonu, à kee loʼ nə̀ ləghə i nə may koʼ way.

1 Kɔrint 14:2

N sey dza n təŋkey, wù wey tə ndzəmə ghɔɔmənə lii tə təghɔɔmə, ghɔɔmə dzə way tə̀ ghə̂ ghə, tə ghɔɔmə tə Zə̀ kə. Ghə̂ a zowkeeli dzə way ghəə ghey tə dzanə n təŋkey, tə ghɔɔmə ghəə ghey a nyi doʼonə nghee tə̀ Zay kə Zow kə diinə tə̀ wi.

1 Kɔrint 14:4

Wù wey tə ghɔɔmənə lii tə təghɔɔmə tə, bəghə kɔʼɔ bə bəghəm i fə̀ŋ i wi, wù wey tə naʼlənə tûm Kəzə̀ kee bəghə kɔʼɔ bə bəghəm i fə̀ŋ i dzûmə tə Klisto.

1 Kɔrint 14:5

I mə loʼ ni doʼo ghə i dzuŋu zə abə ghaa adzəm, ghaa mə loʼnə ni ghɔɔmə lii tə təghɔɔmə tə, a kee dzɔb tsəghəshi abə ghaa mə loʼ ni naʼa tûm Kəzə̀. I loʼ nə̀, wù wey tə naʼlənə tûm Kəzə̀ n dzəŋi kə dzûmə tə Klisto tsəghəshi wù wey tə ghɔɔmənə n lii tə təghɔɔmə, a may kə nə̀ wù loʼ loʼnu fuu tə loʼnə ni tɔʼ tiilə dza lii tə təghɔɔmə tən n dzəŋi kə dzûmə tə Klisto ni ghəŋə nə̀ bəghəm i fə̀ŋ i ghə zə i taw.

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

2 Kɔrint 12:4

Ghə â ney kɔʼ ndow wi idəŋ n luʼu key ghə tɔŋŋə nə̀ à loʼ Paradays. Tə n zow aghəə fu nə̀ wù sɔŋtsuʼ u loʼ u way ni tiilə, aghəə nə̀ laŋ kə ka bəghəm soʼo nə̀ wù tiilə dza.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Chi dii 14:2

Mə n zow ndow dzə̀ i fuŋunə idəŋ tə a loʼ ibwabwa i taanə, fuŋu soʼo tə a loʼ ighow i kəmənə. Bɔŋ mey mə â zow, mə n loʼ tə a loʼ bəghəm kə fətii ghə buʼunə.