1 Kɔrint 12:9 - Kaa n Kəzə̀ n fəghə mə

⁹ Zay kə Zow kə fuu wù umɔʼ n bəghəm i fə̀ŋ i nii zə, Zay kə mɔʼɔ kə n fuu tə u loʼ wey n naamə kə ni baŋŋə ghə̂ a dzaŋa ghə,

1 Kɔrint 12:9 Mawu Ofanana

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Matyo 21:21

Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey.

Malakus 16:18

nə̀ ghə kwu kə zuu n wɔɔ, nkee ghə mə̂nə nəb, zə i ghəŋə dzə way ghə i loʼ zə n kow ghə, ghə i mɔm ndòw ghə̂ a dzaŋa ghə n wɔɔ, ghə n taw doʼo i bə.”

Malakus 6:13

Ghə n dzùm shiə zay u bwu wə n kow ndəmə aghə̂, zɔʼlə tsu ndəmə ghə̂ a dzaŋa ghə nə mmbvə, ghə n taw i kɔʼ.

Lukas 10:9

Baŋŋə na ghə̂ a dzaŋa ghə, ghaa i naʼa ndòw tə̀ ghə̂ ghə nə̀ fɔɔ u Kəzə̀ wə n shɔd.

Lukas 9:2

Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 5:15

Ghəə ghey tsətəndəghə tə Klisto tə â ghəŋŋənə n ghəŋə nə̀ ghə̂ i boʼlə bə ghə̂ a dzaŋa ghə n khəə u təjii, nə ngham nsə nə nkay, sey nə̀, abə Pita tsəghənə, zəŋŋə kə wi kə n loʼ ni mɔm daŋŋə tsə ghə̂ a loʼ ghə, ghən taw i kɔʼ.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 12:30

A dzə aghə̂ adzəm ghə khənə daʼa kə ni baŋŋə ghə̂ ghə nkee ni ghɔɔmə n lii tə təghɔɔmə. A way soʼo aghə̂ adzəm ghə khənə daʼa kə ni tiilə dza ghəə ghey Zə̀ kə dii bənə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

2 Kɔrint 4:13

Màʼlə K-a-zə̀ kə dza nə̀, “N ghɔɔmə n təŋkey mə n bəghəm.” Sey, à loʼ kə n Zay kə bəghəm i zən ghey ghɔɔmənə n təŋkey, ghey n bəghəm.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Hibru 11:33

À loʼ bəghəm i fə̀ŋ zən ghə̂ ghən â khənə n kow Zə̀ kə, zə â ghəŋənə nə̀ wù umɔʼ n ghə̂ ghən təm zə̂ tənaʼa n tsam. Ghə â ghəŋə ghəə ghey ghə â kpiilənə n sə K-a-zə̀, Zə̀ kə n fuu tsu ghə n fə key tə â təb naŋanə tə̀ ghə. À loʼ soʼo bəghəm i fə̀ŋ zən ghə â khənə n kow Zə̀ kə, zə â ghəŋənə nə̀ ghə̂ a ghə a loʼ a fìi naŋa dzuu a tədəmow,