1 Kɔrint 12:4 - Kaa n Kəzə̀ n fəghə mə

⁴ Zay kə Zow kən kə loʼ kə kəmɔ̀ʼ, i kee loʼ nə̀, naamə wən tə fuunə, u loʼ ndəm.

1 Kɔrint 12:4 Mawu Ofanana

1 Kɔrint 12:1

Waazə ghuŋ ghə, n dza n ghɔɔmə bə tə̀ ghaa nyisa n ghəə ghey ghaa â bəb bənə tə̀ mə kuum naamə wən Zay kə Zow kə fuunə tə̀ ghə̂ ghə. N ləghə nə̀ ghaa tɔʼ keeli tsu isəŋə n ghə i zən.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 12:5

Zə a loʼ soʼo nə̀ Mûkəbii loʼ kə umɔ̀ʼ, a kee loʼ nə jii tey ghə̂ a fwaʼanə tii tə̀ wi, tə loʼ n ndəm.

1 Kɔrint 7:7

Abə ghə̂ adzəm a mə loʼ ni doʼo tə n loʼnə, tə̂ n mə ləghə. À kee loʼnə i way ni doʼo sey, n təŋkey, kay wù khə kə naamə kə wi key Zə̀ kə â fuunə tə̀ wi. Wù wən n khə naamə kə kən, u loʼ wey n khə naamə kə nuu kə.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.