1 Kɔrint 12:3 - Kaa n Kəzə̀ n fəghə mə

³ N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

1 Kɔrint 12:3 Mawu Ofanana

Matyo 22:43

Tə n bəb ndòw tə̀ ghə nə̀, “À kee loʼ kee Zay kə Zow kə â ghəŋə nə̀ Devid tɔŋɔ wi nə a loʼ ‘Mûkəbii’ ə? Devid n dza,

Malakus 9:39

Yeso n dza ndòw tə̀ ghə nə̀, “Kə̂ ghaa nə buu naŋŋənə wi. N təŋkey, wù way dzə ni ghəŋə dzə nfaalə n zəd zuŋ, tə kəm kaʼ ni dza ghəə a bəbə ghə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 13:13

Ghaa tɔŋŋə mə nə̀ a loʼ Wù dìi, tɔŋŋə soʼo nə̀ a lo Mûkəbii. À loʼ isəŋə, ghaa tɔŋŋə dzɔbnu, n təŋkey, a loʼ fə key n loʼnə ghii kə.

Tùm i dzuŋu zə kuum Yeso Klisto tə Jɔn â tɔɔnə 13:14

Abə mə wən n loʼnə Mûkəbii ghaa nsə Wù dii ghaa, loʼ ni sow fuu i ghaa, a sey loʼ nə̀ ghaa khə soʼo ni sow fuu i ghə̂ a loʼ ghə.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Roma 10:9

I loʼ nə̀, abə wə loʼ ni dza shi bə n dzuu zə zə̀ nə̀, “Yeso loʼ Mûkəbii.” Bəghəm kɔʼ soʼo n fə̀ŋ zə nə̀ Zə̀ kə zhəm dzəŋŋə bə wi nə ivə, Zə̀ kə i bəghəshi wɔ.

Roma 9:3

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 3:5

Ghey dza dzə way nə̀ ghey kɔʼ kpiinu ni fwaʼ ghəə ghən n ngəŋ ə ghey, à loʼ Kəzə̀ kə fuunə ghey n daʼa kə tii kə.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

Chi dii 1:10

A n bə n tsuʼ inaʼ wə nkala u loʼ wə, Zay kə Zow kə nyi bə n kow mə, mə n zow ndow dzə i taw i loʼ zə i fuŋunə n baa mə tə aloʼ isɔŋ ghə tɔŋɔnə.