1 Kɔrint 11:3 - Kaa n Kəzə̀ n fəghə mə

³ N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 11:3 Mawu Ofanana

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

1 Kɔrint 3:23

Ghaa loʼ n tənə Klisto, Klisto u loʼnə tənə Kəzə̀.

Efesus 4:15

Saa khə ni fədlə ghɔɔmə kə isəŋə, khə iləghə n wû i saa sey nə̀ saa loʼ ni nyim doʼo bə tə̀ a loʼ Klisto, tə loʼnə tow kə saa kə.

Kolose 1:18

Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

Kolose 3:18

Ghaa gheyzən ghən ghaa khənə num ghə, ghaa khə ni zow tə num a ghaa ghə, n təŋkey, à wən loʼ jìi zey ghə̂ ghey ghə bəghəmnə tə Mûkəbii khə ni muu tii.

1 Pita 3:1

Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,