1 Kɔrint 11:2 - Kaa n Kəzə̀ n fəghə mə

² N fuu kali u ghaa nghee ghaa moʼlənə mə nə aghəə adzəm. N fuu soʼo kali u ghaa nghee ghaa naŋŋə kɔʼɔ bənə ghəə ghən mə â dii tsəghə bənə tə ghaa.

1 Kɔrint 11:2 Mawu Ofanana

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

1 Kɔrint 11:17

N ghəə ghən n dza i ghɔɔmə bə tə̀ ghaa nya, n kali dzə way ghaa tii, n dza i fəd kii naŋa bə ghaa, n təŋkey, abə ghaa dzəŋi bənə tə a loʼ ghə̂ a Kəzə̀, à n shiə kə ghəə a bəbə ghə loʼ sey nə̀ a mə khə ni loʼ ghəə a dzuŋu ghə.

1 Kɔrint 11:22

Ghaa way ni doʼo n ndaw tə ghaa, ghaa i zə̂ə, mə̂ə soʼo fu ə? Nkee ghaa maŋ ləghə kə ni koʼ kìi dzəŋi kə ghə̂ a Kəzə̀, ghaa i lənnə ghə̂ ghən ghə loʼ nə̀ ghə khə way fə kə̂ ə? Ghaa moʼlə nə̀ à wən loʼ ghəə ghən n loʼ ni kaali bə ghaa tii ə? Ngaŋ, n tsəm way ni kali ghaa nə i zən.

1 Kɔrint 15:2

À loʼ tûm i dzuŋu zən zə i ghəŋŋənə nə̀ Zə̀ kə bəghəshi ghaa abə ghaa tɔʼ kwu keeli tsu dzənə ghɔɔmə i Kəzə̀ zən mə â naʼanə tə̀ ghaa. Nə̀ à way sey, i sey dii nə̀ ghəə zey ghaa â bəghəmnə tii, ghaa â maŋ bəghəm nə kənunu.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 7:17

I loʼ kə nə̀, kay wù khə ni muu kə tə̀ a loʼ dzûmə Klisto n jii i ghaa zə Mûkəbii naŋanə wi tii, tɔŋŋə jìi zey tə â buʼ loʼnə tii n nəŋə zey Zə̀ kə â tɔŋɔnə wi. À wən loʼ laŋ key n fuunə tə̀ dzəŋi u dzûmə tə Klisto wə udzəm.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

2 Tesalonika 2:15

Sey waazə ghə ghaa təmi taw tsu n bəghəm i fə̀ŋ i ghaa. Ghaa tɔʼ kwu keeli dzɔb tsu ghɔɔmə i səŋi zən ghey fuunə nə tə ghaa, nə̀ a loʼ kə n ghəə ghən ghey naʼlənə nkee n maʼlə wən ghey tɔ̀ɔ bənə tə̀ ghaa.

2 Tesalonika 3:6

Waazə ghə, ghey dza bə tə̀ ghaa n zəd i Mûkəbii saa Yeso Klisto nə̀ kə̂ ghaa i təmə dzəŋi ghi dzûmə tə klisto tən ghə laynə, ləghə way ni dzûmə ghəə ghən ghey diinə tə ghaa n jìi zey ghaa khə ni muu a tii.