1 Kɔrint 10:32 - Kaa n Kəzə̀ n fəghə mə

³² Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 10:32 Mawu Ofanana

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Kəfwaʼ 24:16

À wən loʼ ghə i tii zə n dəmənə nə̀ fə̀ŋ zuŋ i zow n sə̂ K-a-zə̀ nsə n sə kə aghə̂.

Roma 14:13

I loʼ sey n təŋkey saa khə ni tsəm tsu n fə̀ŋ tə saa nə̀ saa i ghəŋə dzə way ghə i loʼ zə i loʼ ni ghəŋə nə̀ dzûmə Klisto u loʼ u bwu n ghəə a bəbə ghə.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 11:22

Ghaa way ni doʼo n ndaw tə ghaa, ghaa i zə̂ə, mə̂ə soʼo fu ə? Nkee ghaa maŋ ləghə kə ni koʼ kìi dzəŋi kə ghə̂ a Kəzə̀, ghaa i lənnə ghə̂ ghən ghə loʼ nə̀ ghə khə way fə kə̂ ə? Ghaa moʼlə nə̀ à wən loʼ ghəə ghən n loʼ ni kaali bə ghaa tii ə? Ngaŋ, n tsəm way ni kali ghaa nə i zən.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 15:9

N dza sey n təŋkey, n loʼ tə a loʼ winətəghə n fəŋŋə kə ngəd tə Klisto tədzəm. N nam ngii nəʼlənu ni doʼo ngəd n fəŋŋə kə ngəd tə Klisto n təŋkey mə â chɔdlɔ tsə ghə̂ ghey ghə bəghəmnə tə̀ Zə̀ kə.

1 Kɔrint 7:17

I loʼ kə nə̀, kay wù khə ni muu kə tə̀ a loʼ dzûmə Klisto n jii i ghaa zə Mûkəbii naŋanə wi tii, tɔŋŋə jìi zey tə â buʼ loʼnə tii n nəŋə zey Zə̀ kə â tɔŋɔnə wi. À wən loʼ laŋ key n fuunə tə̀ dzəŋi u dzûmə tə Klisto wə udzəm.

1 Kɔrint 8:13

Sey abə i loʼnə nə̀ fəzəə wən n zə̂ənə, ghəŋŋə nə̀ dzûmə Klisto u loʼ u bwu n ghəə a bəbə ghə, mə i kəm fə koʼ tsə way nyam tə̀ mbi nə bə may, sey nə̀ kə̂ n nə̂ ghəŋŋə nə̀ dzûmə Klisto u loʼ u nyi n ghəə a bəbə ghə.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 6:3

Ghey təʼlə way wù loʼ, sey nə̀ kə̂ bəb i loʼ i nə doʼlənə n fwaʼ kə ghey.

Galeshia 1:13

Wû i ghaa, ghaa mâ zow ndzoʼo muu zey mə â muu nə ghii zə n nəŋə zey mə â bəghəm nə tə ghəə a Kəzə̀ a ghə̂ a Təjuu ghə. Ghaa mâ zow jìi zey mə â chɔdlɔnə ghə̂ a dzəŋi kə dzûmə tə Klisto ghə a tii nə̀ mə n sə̂ a kəmə naŋa tən, ləghə ni mayyə ghə.

Filipi 1:10

sey nə̀ ghaa i loʼ ni sày ghəə ghey a kpiilənə ni ghəŋə, nə̀ abə n tsuʼ fey Yeso Klisto î bənə tii ghaa i zow, khə way bwu i loʼ zə.

Filipi 3:6

Mə â ngii khə tsə zay n laŋ kə inaʼ kə ghə̂ a Təjuu, mə n fuu tsə̀ ghə̂ a Ndaw Kəzə̀ n chɔd wə. Abə n ghəə ghən a loʼnə tsətsəghə tə laŋ kə dii nə̀, mə â naŋŋə tsə kəlaŋ sa, tsəm khə way bwu i loʼ zə.

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

1 Timoti 3:5

I loʼ sey n təŋkey abə wù way ni kwu keeli ndaw wi, tə i loʼ ngee ni kwu keeli ghə̂ a Kəzə̀ ə?