1 Kɔrint 10:11 - Kaa n Kəzə̀ n fəghə mə

¹¹ Ghəə ghən adzəm ghə â shi n kow ghə tə̀ a loʼ tətsə̀ə tə̀ saa. Ghə â tɔ̀ɔ naŋa ghəə ghən n màʼlə K-a-zə̀ ni kii naŋa bə saa ghən saa muunə n num tən mbi may bənə tii.

1 Kɔrint 10:11 Mawu Ofanana

Matyo 13:39

Wù təngəmə wey tə â zəghə zhìi wey loʼ Satan, nəŋə i kpey zə ufə i loʼ tə̀ mbi nə bə maynə, ghə̂ a kpey a loʼ tsətəndəghə tə Kəzə̀.

Matyo 13:40

Nghee tə̀ ghə zuŋŋə bə zhìi wə ghə n kpəghə maʼa kɔʼ nə uvəllə, a loʼ soʼo ighələ ghə nə zuŋŋə bə ghə̂ a bəbə ghə, ghə kpəghə ghə abə mbi nə may.

Roma 13:11

Ghaa khə ni dii ndow ləghə zə n təŋkey, ghaa khənu nə̀ nəŋə zə n shɔd tə ghaa ni zhəm nuu bə nə təmbweeli. N dza sey n təŋkey, nəŋə zey Zə̀ kə i bəghəshiənə saa tii, zə n kuʼlə nya tsəghəshi n nəŋə zey saa bùʼ bəghəmnə tii tə̀ Yeso Klisto.

Roma 13:12

À nya loʼ kə tə a loʼ ləm ləm kə utsuʼ, fəkəmə kə sa, tsuʼ wə i zow may nyi bə. Sey, saa buu naŋa ndow ni ghəŋŋə ghəə a bəbə ghey ghə̂ a ghəŋŋənə nə kələm, saa i ghəŋŋə ndow kə ghəə ghey ghə̂ a ghəŋŋənə n tsə tə. Saa bayyə kɔʼ iwû tə a loʼ wù wey tə loʼ nə̀ tə n dzəŋə keeli fə u tsam wə.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 4:23

Ghɔɔmə zən i tɔ̀ɔ doʼo n màʼlə K-a-zə̀ nə̀, “Ghə bəghəm naŋa wi nə̀ tə loʼ tsətsəghə.” Â kad way tən kə tə̀ Abraham.

1 Kɔrint 10:6

Ghəə ghən ghə â shi tə̀ a loʼ tsə̀ə tə̀ saa nə̀ kə saa nə ləghənə ni ghəŋŋə ghəə a bəbə ghə tə̀ a loʼ ghə.

1 Kɔrint 7:29

Waazə ghə, ghəə zey n dzanə loʼ nə̀, nəŋə i Mûkəbii ni bə dzəŋŋə n shɔd. Sey, ni zey tsu nya ndòw n sə kə, gheynum ghey ghə khənə ghey ghə khə ni muu tə̀ a loʼ ghə̂ ghey ghə khə way ghey ghə,

1 Kɔrint 9:10

N khənu nə̀ tə ghəə ghən â dza soʼo bòʼ saa. I loʼnu nə̀ tə ghəə ghən â tɔ̀ɔ tə saa n təŋkey ghə̂ ghey ghə vəllənə nsə ghə̂ ghey ghə bwɔdlɔnə, fwaʼa sey, khə tən n moʼlə tə ghə nə̀ ghə i dzəŋi dzawnu fəzəə wə abə wə i fən bə.

Galeshia 4:24

Gheyzən ghən abəghə tey ni dìi nkaa mey n bəghə Zə̀ kə â zə̂ naŋanə ghi ghə̂ ghə Izree ghə. Weyzən ə kəkɔd wən tɔŋŋə Haga, tey n kaa mey Zə̀ kə â zə̂nə n kaʼ u Sinay, n luʼu kən Zə̀ kə fuunə laŋ wə a tii. Wù wey tə loʼnə n tənə kəlaŋ sey loʼ kəkɔd

Filipi 4:5

Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 10:37

Ghaa khə ni ghəŋə sey n təŋkey, i tɔ̀ɔ doʼo n màʼlə K-a-zə̀ nə̀, “Fəkəmə kə sa, Wù wey tə khə ni bə, i bəghənu Tə i loʼlə way.

1 Jɔn 2:18

Waa ghuŋ a dzuŋu ghə, a wən loʼ nəŋə zən mbi may bə nə tii. Ghaa n zow nə̀ wù təngəmə ə Klisto bəghənu. Nyisa wən, ndəmə ghə̂ a təngəmə a Klisto ghə n baa bə. À wən loʼ jìi zey saa i keelinə tii nə nəŋə zey mbi i maynə zə n kpi.