1 Kɔrint 10:1 - Kaa n Kəzə̀ n fəghə mə

¹ Waazə ghə, n ləghə ni zə̀ŋŋə bə ghaa n ghəə ghey ghə â shinə ghi ghə bày bày a saa ghə n nəŋə zey ghə â loʼnə ghi Mushi. Ghə â dzəŋi loʼ n tənə mbaʼ tey tə â keyyənə ghə adzəm, ghə n dzəŋi daŋ shi kɔʼ soʼo naali kə dzuu nə aghow.

1 Kɔrint 10:1 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 4:20

Ghə bày a ghey ghə â ngɔɔmə tsə Kəzə̀ n kaʼ wən, ghaa ghə̂ a Təjuu, ghaa kee dzanə a may kə n Yerosalem a khənə ni ngɔɔmə Zə̀ kə.”

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 11:21

N dza sey n təŋkey, abə Zə̀ kə â loʼ ni chɔd ghə̂ ghə Izree ghən ghə â baa loʼnə ghə̂ a wi ghə, i sey dii nə̀ tə chɔdlɔ soʼonu ghaa abə ghaa ghəŋə bəəbə tsunə.

Roma 4:11

Ghə â wɔ səghənu tyi kə Abraham kə. Ghə â səghə tyi kə wi tə a loʼ tsəə ni dii tsu nə̀ tə â bəghəm tə̀ Zə̀ kə nə̀ ghə ka kam səghə tyi kə wi kə. Zə̀ kə n ney ndow wi nə̀ tə loʼ wù wən tə loʼnə tsətsəghə bòʼ bəghəm i fə̀ŋ zey tə khənə n kow wi. Sey, Abraham loʼ bày tə ghə̂ ghən adzəm ghə bəghəmnə tə Zə̀ kə, Zə̀ kə a ney soʼonə ghə nə̀ ghə loʼ tsətsəghə abə ghə tsəm loʼ kə nə̀ ghə ka kam səghə tyi u ghə wə.

1 Kɔrint 12:1

Waazə ghuŋ ghə, n dza n ghɔɔmə bə tə̀ ghaa nyisa n ghəə ghey ghaa â bəb bənə tə̀ mə kuum naamə wən Zay kə Zow kə fuunə tə̀ ghə̂ ghə. N ləghə nə̀ ghaa tɔʼ keeli tsu isəŋə n ghə i zən.

1 Kɔrint 14:38

Wù wey tə ka ney ghəə ghən n taŋ, tə keeli tsu nə̀ ghəə ghey tə dzanə, ghə̂ ghə i ney soʼo way n taŋ.

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Hibru 11:29

A loʼ bəghəm i fə̀ŋ zə â ghəŋənə nə̀ ghə̂ ghə Izree a daŋ dzuu i baŋa zə tə̀ ghə bwey n ghəlikətsə kə zûmmə kə. Ambə ghə̂ ghə Ijip a dza i mbɔŋ mɔm koʼ tsu soʼo ni dzûmə nyi ndow ghə, ghə n kuŋ ndow adzəm.