1 Kɔrint 1:9 - Kaa n Kəzə̀ n fəghə mə

⁹ Zə̀ key kə â tɔŋɔnə ghaa nə̀ ghaa i loʼ nə kəfə kəmɔʼ ghi waa wi tɔŋŋə Mûkəbii saa Yeso Klisto, bwuulə maʼa way wù n ghəə zey tə bəghəm naŋanə ni ghəŋə.

1 Kɔrint 1:9 Mawu Ofanana

Matyo 24:35

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Roma 11:17

Ney kɔʼ n na kpìi kə kaʼ fə loʼ fə ghə tɔŋɔ nə̀ à loʼ oliv, ghə khəm nuu shi bənə n kaʼ fə oliv fə inaʼ fə, ghə a ndow ney bə kpìi kə n kaʼ fə oliv fə mbvən fə, bə zuŋ naŋa dzəŋi nyi bə n kaʼ fə oliv fə inaʼ fən, kə a nyîmmənə, məə bə utam nə̀ à loʼ ghaŋ tə kaʼ fən. Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi tə kaʼ fə oliv fə mbvən fə. Zə̀ kə n ghəŋə nə̀ ghaa keeli buulə zey tə â buulənə ghə̂ a Təjuu ghə a tii ighələ tə a loʼ kpìi kə kaʼ fə oliv fə mbvən fən ghə â zuŋ dzəŋi bənə ghi kaʼ fə oliv fə inaʼ fə.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

Roma 9:24

Saa loʼ soʼonu n taŋ a ghə̂ ghey Zə̀ kə â say naŋa nə̀ ghə i keeli kɔʼlə mən, a kad way kə ghə̂ a Təjuu ghə i keelinə kɔʼlə n tii mə, ghə̂ ghən ghə way ghə̂ a Təjuu ghə keeli soʼonu kɔʼlə n tii mə.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

1 Kɔrint 10:16

Wɔ̀ zey saa dzəŋi mə̂ə shiə kɔʼɔnə tii fuu soʼo kəzɔŋŋə tə Zə̀ kə, à sey way kaŋ tə Klisto saa dzəŋi mə̂ənə ə? Abə saa boʼlə zə̂ənə baa kə, a sey way wû u Klisto saa dzəŋi zə̂ənə ə?

2 Kɔrint 1:18

Nghee tə̀ Zə̀ kə ndzəmə ghɔɔmənə isəŋə, ghɔɔmə i Kəzə̀ zey ghey naʼlənə tə̀ ghaa, ghey fwɔdlɔ bəghəm dzə way ghəə zə nə̀, “Ow, ow”, loʼ sey nə̀ n fə̀ŋ tə ghey, ghey tuu maʼanu ghə i tii zə nə̀, “Ngaŋ, ngaŋ.”

Galeshia 1:15

À kee loʼ nə, Zə̀ kə mâ sày naŋa mə nə ghə ka mə kam ji, tɔŋɔ mə n bam i ndzuŋ ə wi nə̀ n doʼo wù kəfwaʼ a wi. Ambə nəŋə i wi i kpi tsunə,

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

2 Tesalonika 3:3

Zə̀ kə kee naŋŋənu ghɔɔmə i wi, tə i fuu ghaa n daʼa kə, tə keyyə ghaa kə Satan nə mɔmnə ghaa.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:13

Abə saa khə way bəghəm i fə̀ŋ zə n kow wi, Tə i nam loʼ kə wù wey tə loʼnə ghii wə, Tə way dzə ni tuu maʼa wû u wi.”

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 11:11

À loʼ bəghəm i fə̀ŋ, zə â ghəŋənə nə̀ Abraham i loʼ ni doʼo bə bày waa nə̀ tə n ngii dən, Sara wən tə â loʼnə wey wi n loʼ soʼo nə̀ tə n dən tsəghə ni ji waa, n təŋkey, tə â khə bəghəm i fə̀ŋ nə̀ wù wey tə â təbnə təb kə tii kə, naŋŋənu dzuu i wi zə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

Chi dii 19:11

Mə n koʼ ndow bikighow kə chi kɔʼnə, mə koʼ tsu soʼo khinyam kə fəmə kə, kə teynə n sə kuŋ. Zəd i wù wey tə â nyəŋənə khinyam kə tii kə n loʼ nə̀ a loʼ Wù wey tə naŋŋə dzuu i wi zə, nsə Wù wən tə dzanə isəŋə. Tə saʼa n jìi zey i kpiinə, zuulə soʼo tsam n jìi zey i kpiinə.