1 Kɔrint 1:7 - Kaa n Kəzə̀ n fəghə mə

⁷ Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 1:7 Mawu Ofanana

Matyo 25:1

Yeso n dza tə̀ ghə nə̀, “N tsuʼ fey Waa Weynum î bəghənə tii, Fɔɔ u Kəzə̀ wə i loʼ tə̀ a loʼ waa a zən a loʼ ghə ighəm ghə â ney kɔʼnə daa u ghə wə, shi ndòw ni ndòw kpii ney nùm weyzən.

Lukas 12:36

tə̀ a loʼ ghə̂ a kəfwaʼ ghey ghə ləmmənə mûkəbii ə ghə nə̀ abə tə dzəŋŋə bənə n luʼu kamali, bə buʼ tsu fuʼ u ndaw, ghə i zaŋə chi tsu tə̀ wi.

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Roma 8:23

À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 12:13

À baa loʼ ghə i ghaa zə̀ n ghəŋənə tə̀ dzəŋi u dzûmə tə Klisto tə loʼ tey nə̀ n ka ghəŋə fey nə ghaa tsəghəshiə way nə̀ n ka bəb ghaa n gaamə i loʼ zə ə? Neyzəə na mə n bəb i tii zə!

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Filipi 3:20

Abə ghey, naʼ i ghey i loʼ idəŋ, ghey fa ləmmə bəghəshi ə ghey, tə î nuu tsuu bənə fu, tɔŋɔ Mûkəbii Yeso Klisto.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

2 Pita 3:12

nghee ghaa ləmmə tənə tsuʼ fey Zə̀ kə naŋanə nə̀ Yeso i bə dzəŋŋə, kə ghəŋə nə̀ tsuʼ fə tii fə mbad bə. N tsuʼ fə tii fə, vəllə u nə ləŋi maʼa kɔʼ kədəŋ, zuʼ kə uvəllə kə nə ghəŋə nə̀ fə wey udzəm u loʼnə idəŋ, nyə̀ŋ nuu tsu.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.