1 Kɔrint 1:23 - Kaa n Kəzə̀ n fəghə mə

²³ A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 1:23 Mawu Ofanana

Matyo 11:6

Ndzuŋ loʼ tə̀ wù wey tə səmə way bòʼ mə̀.”

Matyo 13:57

Fə̀ŋ tə sey daŋŋə bəbnu ghə n kow wi, ghə n ka ney wi tə a loʼ kəfə, tuu maʼa wi. Yeso n kee dza tə̀ ghə nə̀, “Ghə ngɔɔmənu wù tûm Kəzə̀ nə tənaʼa tədzəm, a may kə n naʼ i wi nsə n sali ndaw i wi ghə ngɔɔmə way wi.”

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

1 Kɔrint 1:18

Tûm zən bòʼ və i Yeso Klisto n zat kə fəkaʼ loʼ ilaʼlə tə̀ ghə̂ ghey ghə laʼa nay ndòwnə. A kee bə tə̀ ghey ghən ghey keelinə bəghəshi zə n wɔ Klisto, tûm ə tii dii bə daʼa K-a-zə̀.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 1:28

Zə̀ kə sày kɔʼ ghə̂ ghən ghə̂ a mbi a koʼo kiinə, ney ghə nə ghə maŋ loʼ kənunu, ni ghəŋə nə̀ ghə̂ ghən ghə̂ a mbi a neynə nə̀ a loʼ ghə̂ a səŋi ghə, ghə doʼo bə kənunu.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.