1 Kɔrint 1:21 - Kaa n Kəzə̀ n fəghə mə

²¹ I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 1:21 Mawu Ofanana

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Lukas 10:21

N nəŋə i tii zə, Zay kə Zow kə n ghəŋə nə̀ Yeso ngii keeli iduʼlə. Kə n ghəŋə nə̀ Yeso dza tsu nə̀, “N fuu kəzɔŋŋə tə wɔ a Bày, wə loʼ Mûkəbii idəŋ nsə n ghəlikətsə, wə nyi naŋa ghəə ghən tə̀ ghə̂ a tɔbə ghə nsə ghə̂ ghə umaʼlə ghə, kee dii fu tsu tə̀ ghinətəghə ghə. Â sey loʼ nghee wə a ləghənə nə̀ ghəə ghə a doʼo tii, a Bày.”

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 11:33

Zə̀ kə ndəmə kûmnu! Tə khə utɔb naʼ idzəm, khə soʼo aghəə adzəm! À lo ndee tə loʼnə ni tiilə dza jìi zey Zə̀ kə sàynə ni ghəŋŋə ghəə ghə tii? À loʼ ndee tə loʼnə ni zowkeeli jìi zey Zə̀ kə ghəŋŋənə ghəə a wi ghə tii?

1 Kɔrint 1:18

Tûm zən bòʼ və i Yeso Klisto n zat kə fəkaʼ loʼ ilaʼlə tə̀ ghə̂ ghey ghə laʼa nay ndòwnə. A kee bə tə̀ ghey ghən ghey keelinə bəghəshi zə n wɔ Klisto, tûm ə tii dii bə daʼa K-a-zə̀.

1 Kɔrint 1:23

A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 1:24

A kee bə tə̀ ghə̂ ghən Zə̀ kə tɔŋɔnə nə̀ ghə keeli ibəghəshi, nə̀ à loʼ kə ghə̂ a Təjuu nkee ghə̂ ghən ghə way ghə̂ a Təjuu ghə, tûm tii loʼ nə̀, Zə̀ kə dii bə daʼa kə wi nsə tɔb u wi wə n bam i Yeso Klisto.

1 Kɔrint 1:25

Ghəə ghən Zə̀ kə ghəŋŋənə, ghə̂ a moʼlənə nə̀ a loʼ ilaʼlə, a khə utɔb tsəghəshi tɔb u wù sɔŋtsuʼ. Ghəə ghən Zə̀ kə ghəŋŋənə, ghə̂ a koʼo soʼonə nə̀ a loʼ ghəə a lay ghə, a khə kədaʼa tsəghəshi daʼa kə wù sɔŋtsuʼ.

1 Kɔrint 1:27

Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

1 Kɔrint 11:32

Abə Mûkəbii tsəm buʼ chɔd kənə saa, tə teyyə naŋŋə bə saa tsətsəghə sey nə̀ kə Zə̀ kə nə chɔdlɔ dzəŋinə saa ghi ghə̂ a bəbə ghən fa n mbi.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

1 Kɔrint 6:2

Ghaa khə way nə̀ nəŋə zə i bəghənu, a i loʼ ghə̂ a Kəzə̀ ghə i saʼanə mbi zən ə? Abə à loʼnə ghaa, ghaa i saʼanə mbi, ghaa ka kɔʼ kpii ni saʼa nyaŋi mə nghəələ mən n fəŋŋə kə ghaa ə?

Galeshia 1:15

À kee loʼ nə, Zə̀ kə mâ sày naŋa mə nə ghə ka mə kam ji, tɔŋɔ mə n bam i ndzuŋ ə wi nə̀ n doʼo wù kəfwaʼ a wi. Ambə nəŋə i wi i kpi tsunə,

Galeshia 4:8

Nghee ghaa â buʼ loʼ tsə nə̀ ghaa kam khə way Zə̀ kə, ghaa n loʼ ukɔd tə fə u loʼ wey ghaa â tɔŋɔ nə̀ a loʼ uzə̀.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Kolose 1:19

 tsəm Kəzə̀ ni ghəŋə nə̀ Klisto waa wi, i bɔɔmə loʼ tə a loʼ wi nə aghəə adzəm.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

Jems 5:15

Gɔŋŋə zey ghə i gɔŋŋə tsunə n bəghəm i fə̀ŋ, i ghəŋŋə nə̀ wù dzaŋa tii taw doʼo bə. Mûkəbii i ney nuu dzaŋ i tii zə. Nə̀ wù tii â ghəŋə bəəbə ghə i loʼ zə, Mûkəbii i neyzəə bəb i wi.

Jems 5:20

wù tii keeli tsu nə̀, wù wey tə ghəŋənə nə̀ kə wù bəbə nə nyəŋə laʼa ndownə, i bəghəshiə tow kə wù bəbə tii nə ivə, tə ghəŋə soʼo nə̀ Zə̀ kə neyzəə ghəə a wi a bəbə ghey tə loʼ nə̀ tə n ndəŋ ghəŋə.