1 Kɔrint 1:14 - Kaa n Kəzə̀ n fəghə mə

¹⁴ N fuu zɔŋŋə K-a-zə̀ nə̀ n ka fuu dzə mmuu n Kəzə̀ mə tə̀ wù ghaa u loʼ wə, mə â fuu kə n wɔ Krispus nsə Gayɔs.

1 Kɔrint 1:14 Mawu Ofanana

Kəfwaʼ 10:48

Sey, tə n dza nə̀ ghə fuu ghə n mmuu n Kəzə̀ mə n zəd i Yeso Klisto. Nghee tə ghə̂ ghey ney kɔʼnə mmuu n Kəzə̀ mə, ghə n daŋŋə dza nə̀ Pita doʼo kəŋə ndow ghi ghə n tsuʼu n loʼ mə.

Kəfwaʼ 18:8

Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.

Roma 16:23

Gayɔs wən n muunə n ndaw wi, dzûmə tə Klisto tə nyiə soʼonə n ndaw wi tûm bə ghaa n tɔŋɔ zow zə. Erastus wən tə naŋŋənə mbəghə kə ukhəə kə inaʼ kə ghi waazə ə saa Kwatus tɔŋŋə zow bə ghaa.

1 Kɔrint 1:15

Wù ghaa u loʼ u way dzə tə loʼ ni dza nə̀ tə â ney mmuu n Kəzə̀ n zəd zuŋ.

1 Kɔrint 1:4

N fuu kəzɔŋŋə tə̀ Zə̀ kuŋ kə nəŋə tədzəm bòʼ ndzuŋ ə wi zən tə fuunə tə̀ ghaa n bam i Yeso Klisto.

1 Kɔrint 14:18

N fuu zɔŋŋə K-a-zə̀ nə̀ Zay kə Zow kə n fuu mə n daʼa kə ni ghɔɔmə lii tə təghɔɔmə tsəghəshi ghaa adzəm.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Kolose 3:15

Buulə zən Klisto fuunə tə ghaa, i bəghə doʼo n fə̀ŋ tə ghaa, n təŋkey, Zə̀ kə n ndzəm sày ghaa nə̀ ghaa doʼo nə kəfə kəmɔʼ, sey nə̀ ghaa loʼ ni keeli ndzoʼo buulə zən. Ghaa i fuu zɔŋŋə kə tə̀ Zə̀ kə nəŋə tədzəm.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

1 Tesalonika 5:18

Ghaa i fuu zɔŋŋə kə nə aghəə adzəm, n təŋkey à wən loʼ ghəə zey Zə̀ kə ləghənə nə̀ ghə̂ ghey adzəm ghə loʼnə nə kəfə kəmɔʼ ghi Yeso Klisto i ghəŋŋə.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

Filemun 1:4

N fuu kəzɔŋŋə nəŋə tədzəm bòʼ wɔ a Filemun abə n gɔŋŋənə tə Zə̀ kə.